सुमन अधिकारी, बुटवल

बुटवलमा लखन कप नकआउट फुटबल प्रतियोगिता २०८१ सरु भएको छ । लखन ब्रदर्श युथ क्लबको आयोजनामा मंगलवार सुरु भएको खेलमा आयोजक लखन ब्रदर्श (सेतो)ले विजयी सुरुवात गरेको छ ।

प्रतियोगिताको उद्घाटन खेलमा लखनले चाँदनी युवा क्लबलाई ५-१ ले पराजित गर्यो। सिद्धेश्वर लाल कुमारी मावि खेलमैदान भएको खेलमा आयोजकको जितमा मिलन आले र प्रेम थापाले समान २ र समुन्द्र ज्ञवालीले १ गोल गरे ।

आयोजक टोलीका मिलनले खेलको २९ औं मिनेटमा गोल गरे। टोलीका प्रेमले ३२ औं र ३७ औं मिनेटमा गोल थपे। ४४ औं मिनेटमा मिलनले अर्को गोल गरे । ७२ औं मिनेटमा समुन्द्रले गोल गरे । चाँदनीका विकास थापाले ६६ औं मिनेटमा सान्त्वना गोल गरे ।

आयोजक टोलीका मिलन आले प्लेयर अफ दी म्याचमा चुनिए । प्रतियोगितामा सौभाग्य युवा क्लब र इभोलुसन क्लब अफ बुटवलबिच खेल हुने संयोजक राम बहादुर थापाले बताए ।

बुटवल उपमहानगरपालिकाका नगर प्रमुख खेलराज पाण्डेयले रेफ्रीलाई बल हस्तान्तरण गर्दै उद्घाटन गरेका हुन् ।

क्लबका अध्यक्ष सुदिप खत्रीको अध्यक्षतामा भएको कार्यक्रममा नगर खेलकुद विकास समितिका संयोजक बोनिन पिया, वडा नं ८ का वडाअध्यक्ष यज्ञ प्रसाद पंगेनीले‌ शुभकामना दिए ।

प्रतियोगिताको विजेता टोली १ लाख ५१ हजार ५ सय १५ रुपैया र दोस्रो टोलीले ७५ हजार ७ सय ५७ रुपैयाँ प्राप्त गर्नेछ।

प्रतियोगितामा सर्वोत्कृष्ट खेलाडीले १० हजार ५ सय तथा ४ जना विधागत उत्कृष्ट खेलाडीहरुलाई नगद ५ हजार ५ सय ५५ रुपैयाँ प्राप्त गर्नेछन् । फागुन ७ गतेसम्म चल्ने प्रतियोगितामा १६ टोलीको सहभागिता छ।