लखन कप फुटबल अर्को साता सुरु हुने

सुमन अधिकारी,बुटवल

बुटवलमा लखन कप नकआउट फुटबल प्रतियोगिता अर्को साता सुरु हुने भएको हो ।

लखन ब्रदर्श युथ क्लबको आयोजनामा माघ २२ गते प्रतियोगिता सुरु हुने र त्यसको तयारी अन्तिम चरणमा पुगेको शुक्रवार पत्रकार सम्मेलनमा क्लबका अध्यक्ष सुदिप खत्रीले बताए ।

सामाजिक क्षेत्रमा निरन्तर श्रमदान गर्दै आएको क्लब अब भने खेल विकासमा अग्रसरता देखाउन लागेको उनले बताए ।

कार्यक्रममा सचिव निरन्जन पन्तले रुपन्देही, नवलपरासीसहित प्रतियोगितामा १६ टोलीको सहभागिता रहने बताइएको छ ।

क्लबका संरक्षक संयोजक राम बहादुर थापाले फुटबल खेलको हबका रुपमा रहेको रुपन्देहीमा नया फुटबल प्रतियोगिता आयोजना गर्न लागेको बताए । मैदान निर्माणमा धेरै मेहनत गर्नुपरेको उनले बताए ।

सिद्धेश्वर खेलमैदानमा हुने प्रतियोगिताको उपाधि विजेता टिमले १ लाख ५१ हजार ५ सय १५ रुपैयाँ र दोस्रो हुने टोलीले ७५ हजार ७ सय ५७ रुपैयाँ प्राप्त गर्नेछ ।

सर्वोत्कृष्ट खेलाडीले १० हजार ५ सय र विधागत उत्कृष्ट खेलाडी समा ५ हजार ५ सय ५५ रुपैयाँ प्राप्त गर्नेछन्। ,
प्रतियोगिता आयोजनामा करिब १५ लाख रुपैयाँ खर्च हुने अनुमान रहेको छ ।