साफ यु–१९ च्याम्पियन नेपाली टोली नयाँ लक्ष्यका साथ बुधबार इरान प्रस्थान गर्दैछ । त्यहाँ नेपालले एएफसी यु–१९ छनोट चरणमा प्रतिस्पर्धा गर्नेछ ।

नेपालले असोज १५ गते इरानसँग खेल्नेछ । असोज १७ मा कुवेतसँग र त्यसको दुई दिन पनि नेपालले जोर्डनको सामना गर्नेछ । छनोट चरण पार गर्ने १६ टोलीले अर्को बर्ष बहराइनमा हुने एएफसी यु–१९ च्याम्पिययसिपमा प्रतिस्पर्धा गर्नेछन् ।

एसियाका राष्ट्रलाई १० समूहमा विभाजन गरिएको छ । हरेक समूहको विजेता,सबै समूहका मध्येबाट उत्कृष्ट ५ उपविजेता र आयोजक बहराइन गरि १६ टोलीले अन्तिम चरणमा प्रतिस्पर्धा गर्नेछन् ।

बहराइन छनोट चरणबाट अघिल्लो चरण प्रवेश गर्न सफलत भएमा उत्कृष्ट उपविजेताको छैटौं टोलीले पनि मौका पाउनेछ । एएफसी यु–१९ को शीर्ष ४ मा पर्ने टोलीले सन् २०१७ मा दक्षिण कोरियामा आयोजना हुने फिफा यु–२० विश्वजकपमा एसियाको प्रतिनिधित्व गर्नेछन् । दक्षिण कोरिया शीर्ष चारमा पर्न सके पाँचौं टोली समेत यु –२० विश्वकप खेल्नेछ ।

अखिल नेपाल फुटबल संघ (एन्फा) ले मंगलबार टोलीलाई विदाइ गर्यो  ।

हार जितलाई खेलको एउटा पाटो भएको उल्लेख गर्दै थापाले,‘ देश संकटमा परेका बेला फुटबलले सुखद नतिजा दिने अपेक्षा गरेको बताए ।’

साफ जित्दाको टोलीमा भन्दा अहिले दुई खेलाडी परिवर्तन भएका छन् ।

नेपाली टोली गोलकिपर – सोजित गुरुङ, रोमन रसाइली, देव लिम्बु रक्षक– अनन्त तामाङ, अमित तामाङ, छिरिङ गुरुङ, सिद्धार्थ रञ्जित, दीनेश राजवंशी, सुदन थापा, रामचन्द्र वाजी मिडफिल्ड – हेमन्त थापामगर, कमल श्रेष्ठ, डोना थापा, तेज तामाङ, किरण सुनार, विश्वास श्रेष्ठ, सुसन लामा, सनिल बल फरवार्ड – विमल घर्तीमगर, अन्जन विष्ट, सुजित गुरुङ, शिव सुवेदी, जनोममान लिगल प्रशिक्षक – बालगोपाल महर्जन (मुख्य), मृगेन्द्र मिश्र (सहायाक) व्यवस्थापक – दीवाकर घले फिजियो – राजु दहाल