प्याराडाइज राइजिङ भरतपुर गोल्ड कपको फाइनलमा

सुशील पन्त क्षेत्री,चितवन

प्याराडाइज युथ क्लब मिन्नानो राईजिङ भरतपुर गोल्डकपको फाइनलमा प्रवेश गरेको छ ।

पहिलो सेमिफाइनलमा बुधवार आबुँखैरेनी गाउँपालिकालाई हराउँदै १-० ले प्याराडाइज उपाधि नजिक पुगेको हो ।

नेपाल प्रहरी शिक्षालय भरतपुर तालिमकेन्द्रको मैदानमा भएको प्रतिस्पर्धात्मक खेलमा गिल्सन लिम्बुको गोलमा प्याराडाइजले खेल जितेको हो।

६५ औं मिनेटमा गिल्सनले गरेको गोल निर्णायक बन्यो । उनी नै प्लेयर अफ दि म्याच चुनिए । प्याराडाइजले अब उपाधिका लागि बागमती युथ क्लब सर्लाही र सरस्वति क्लब काठमाडौंको विजेतासँग खेल्ने छ। दोस्रो सेमिफाइनल बिहीवार दिउँसो ३ बजे सुरु हुनेछ ।

प्रतियोगिताको फाइनल १९ गते शनिवार हुनेछ । चितवन ११ फुटबल क्लबको आयोजनामा जारी प्रतियोगिताको विजेताले ट्रफीसहित ७ लाख र दोस्रो हुने टोलीले ३ लाख रुपैयाँ प्राप्त गर्नेछ ।