1 week ago
January 27, 2025
काठमाडौं (हाम्रो खेलकुद)- फोर नेसन्स कपका लागि नेपाली राष्ट्रिय महिला फुटबल टोलीको प्रारम्भिक प्रशिक्षणका लागि ३९ खेलाडीलाई बोलाइएको छ।
राष्ट्रिय महिला फुटबल टोलीको मुख्य प्रशिक्षकमा पुनः नियुक्त भएका राजेन्द्र तामाङले ३९ खेलाडीको छनोट गरेको अखिल नेपाल फुटबल संघ(एन्फा) ले जनाएको छ।
तामाङले जारी एन्फा महिला लिगमा उत्कृष्ट प्रदर्शन गरेका केहि खेलाडी पनि प्रारम्भिक चरणको बन्द प्रशिक्षणमा समेटेका छन्।
प्रारम्भिक टोलीमा व्यवसायिक फुटबल खेल्नका लागि देश बाहिर रहेका कप्तान एन्जिला तुम्बापो सुब्बा, सावित्री भण्डारी ‘साम्बा’ र रेखा पौडेलसहितलाई प्रशिक्षण डाकिएको छ।
प्रशिक्षणमा बोलाइएका अन्य खेलाडीमा अञ्जना राना, मगर,उषा नाथ,अमृता जैसी ,गीता राना ,विमला बि.के.,निशा ठोकर, समीक्षा घिमिरे,पुजा राना,अनिता बस्नेत, अमिशा कार्की,अनिता के.सी., प्रीति राई, विमला चौधरी, रेणुका नागरकोटी,सरु लिम्बु , रश्मि कुमारी घिसिङ,सविता राणा मगर, सजनी ठोकर छन् ।
त्यस्तै चन्द्रा भण्डारी, रेणुका हमाल, सम्झना लावती, सवित्री किसान,सहारा लिम्बु, सुष्मा तामाङ,मनमाया दमाई, हेमा चौधरी, सुजाता तामाङ, विर्सना चौधरी, सुक्रिया मियाँ, प्रतीक्षा चौधरी, सेमी हाङमा लिम्बु पन्धाक, मीना देउवा, पुष्पा कुमारी खड्का, यशोधा शाही, ममता पुन र झुमा विश्वकर्मा पनि बोलाइएका छन्।
राष्ट्रिय टोलीका नियमित दुई खेलाडी हिरा कुमारी भुजेल र दीपा शाही भने चोटका कारण प्रशिक्षणमा बोलाइएका छैनन् । बन्द प्रशिक्षण माघ १९ गतेबाट सुरु हुने एन्फाले जनाएको छ। काठमाडौंमा कात्तिकमा भएको साफ च्याम्पियनसिपका दौरान हिरा र दीपा घाइते भएका थिए।
फोर नेसन्स कप फागुन ५ देखि १३ गतेसम्म दशरथ रंगशालामा हुनेछ। नेपालसहित म्यानमार, लेबनन र किर्गिजस्तानको सहभागिता फोर नेसन्समा प्रतिस्पर्धा गर्नेछन्। राउन्ड रोबिन लिगपछि शीर्ष दुई टोलीले फाइनल खेल्नेछन्।
February 5, 2025
हिमाल खरेल, बिर्तामोड झापाको बुद्धशान्तिस्थित जयपुरमा जारी आठौं नव ज्योति च्यालेन्ज कप फुटबल प्रतियोगितामा सुनसरीको न्यु स्टार एफसी विजयी भएको छ । आज भएको खेलमा भारतको सिलिगुडी युनाइटेडमाथि जित दर्ता गर्दै न्यु स्टार सेमिफाइनलमा प्रवेश गरेको हो । सिलिगुडीलाई १- ० ले हराउँदै न्यु स्टार अन्तिम चारमा पुगेको हो। न्यु स्टारका लागि खेलको इन्ज्युरी समयमा […]
February 5, 2025
काठमाडौं (हाम्रो खेलकुद)- दोस्रो एनएपिएफएस अन्तर स्कुल आइजी रनिङ ट्रफी फुटबल प्रतियोगितामा बुधवार कीर्तिपुरको पुष्पसदन बोर्डिङ स्कुल र कीर्तिपुरकै ग्रिन भिलेज एजुकेशन फाउण्डेशन विजयी भएका छन्। पहिलो खेलमा पुष्पसदनले नक्सालको राई स्कुललाई ५-१ ले हराएको थियो। पुष्पसदनका विशाल कुवँर र हिक्मत योगीले समान २ र बुद्ध लिम्बुले १ गोल गरे। विजयी टोलीका विशाल कुवँर प्लेयर […]
February 5, 2025
हिमाल खरेल, भद्रपुर दोस्रो भद्रपुर झापा गोल्डकप २०८१ र सौर्य एअरलाइन्स तथा भद्रपुरको ओम साई पाथिभरा हस्पिटलबीच मुख्य प्रायोजक (टाइटल स्पोन्सर) का रुपमा सम्झौता भएको छ । समझौतापछि अब ‘सौर्य एअरलाइन्स तथा ओम साई पाथिभरा हस्पिटल भद्रपुर झापा गोल्डकप’ को रुपमा प्रतियोगिता सञ्चालन हुनेछ । यो संस्करण गोल्डकप कार्यसमितिका पूर्वसदस्य तथा पूर्वराष्ट्रिय खेलाडी गम्भीर राईको […]
