1 day ago
January 25, 2025
दिपक बोहोरा, पाँचथर
झापा बिर्तामोडको रेड स्टार क्लबले दोश्रो फिदिम भेट्रान्स गोल्ड कप फुटबल प्रतियोगिताको उपाधि जितेको छ ।
फिदिम माविको खेल मैदानमा शनिवार आयोजक फिदिम भेट्रान्स क्लबलाई ४-२ ले पराजित गर्दै रेड स्टारले उपाधि जितेको हो ।
रेड स्टारका खेमराज पोखरेलले ह्याट्रिक गरे । अर्को गोल बुद्ध चेम्जोङले गरे। फिदिमका लागि अशोक लिम्बु र सुवास लिम्बुले गोल गरे ।
पूर्व राष्ट्रिय खेलाडी र ए डिभिजन खेलिसकेका खेलाडीले भरिएको रेडस्टार क्लब सुरुबाटै आक्रमक फुटबल खेलेको थियो । तर गोलको लागि लामो समय कुर्नु परेको थियो ।
उपाधिसँगै रेड स्टारले १ लाख ५ हजार ५ सय ५५ सहित ट्रफी मेडल र फिदिमले ५५ हजार ५ सय ५५ रुपैयाँ प्राप्त गर्यो । रेड स्टारका कप्तान राजकुमार श्रेष्ठ फाइनल खेलको प्लेयर अफ दि म्याच घोषित भए र उनले २ हजार २ सय रुपैयाँ प्राप्त गरे ।
रेड स्टारका भुपेन जबेगु सर्वोत्कृष्ट खेलाडी घोषित भए र उनले ५ हजार रुपैयाँ प्राप्त गरे।रेड स्टारकै बुद्ध चेम्जोङ उत्कृष्ट फरवार्ड, मिनबहादुर बस्नेत उत्कृष्ट गोलकिपर घोषित भए ।
यसैगरी, फिदिमका अनिल चुँडाल उत्कृष्ट डिफेन्डर, प्रदेश केसी उत्कृष्ट मिडफिल्डर चुनिए । रेड स्टारका खेमराज पोखरेल सर्वाधिक गोलकर्ता रहे । बौद्ध भेट्रान्स रानीटारका हर्कराज नेम्बाङ उत्कृष्ट भेट्रान्स खेलाडी र रेड स्टारका प्रेमकृष्ण श्रेष्ठ उत्कृष्ट प्रशिक्षक घोषित भए । उत्कृष्टले २ हजार २ सय रुपैयाँ प्राप्त गरे ।
बुधवारदेखि फिदिममा आयोजना भएको प्रतियोगितामा ८ टोलीको सहभागिता थियो ।
January 26, 2025
सुनिल गाउँले, सिमरा सिमराको नव–जनजागृति युवा क्लब मधेश प्रदेश च्याम्पियन बन्दै एन्फा प्रेसिडेन्ट लिगका लागि छनोट भएको छ । महोतरीको जलेस्वर रङ्गशालामा आइतवार मधेश प्रदेश लिगको फाइनलमा सप्तरीको प्रोग्रेसिभ युवा क्लबलाई २-० ले पराजित गर्दै नवजनजागृतिले चैतमा हुने एन्फा प्रेसिडेन्ट लिगमा खेल्नेछ । २०८१ सालको बारा जिल्ला लिग च्याम्पियन बन्दै नवजनजागृतिले प्रदेश लिगमा बारा जिल्लाको […]
January 26, 2025
दिपक बोहोरा, पाँचथर पाँचथर गोल्डकप प्रतियोगिताको पाँचौ संस्करण अर्को महिना आयोजना हुने भएको छ। फिदिम माविको खेल मैदानमा फागुन २४ देखि चैत २ गतेसम्म हुने प्रतियोगितामा नेपाल र भारतका गरि ८ टोलीको सहभागिता रहने आयोजक पाँचथर क्लबले आइतवार पत्रकार सम्मेलन गर्दै जानकारी दिएको छ । विजेताले ११ लाख १ हजार १ सय ११ रुपैयाँ र […]
January 26, 2025
सुशील पन्त क्षेत्री,चितवन बागमती युवा क्लबले मिन्नानो राईजिङ भरतपुर गोल्डकप फुटबल प्रतियोगितामा आइतवार सूर्यपुर फुटबल क्लबलाई १-० ले हराएको छ। नेपाल प्रहरी शिक्षालयको मैदानमा भएको खेलमा बागमतीको जितमा सनम धिमालले निर्णायक गोल गरे । उनले खेलको २० औं मिनेटमा गरेको गोल नै बागमतीलाई जिताउन पर्याप्त भयो । दोस्रो हाफमा सूर्यपुरले केही मौका पाए पनि सदुपयोग […]
