टोटनहमको जितमा सनको २ गोल

एजेन्सी – कप्तान सन ह्युङ–मिनले २ गोलमा टोटनहमले युरोपा लिगमा जर्मन क्लब होफेनहाइममाथि रोमाञ्चक जित दिलाए ।

होफेनहाइमको घरेलु मैदान भएको खेलमा टोटनहमले ३-२ को जित हासिल गर्यो । टोटनहमको जितमा सन बाहेक जेम्स म्याडिसनले गोल गरे । घरेलु टोलीका लागि एन्टोन स्टाच र डेभिड मोक्वाले गोल गरे ।

खेलको तेस्रो मिनेटमा टोटनहमका लागि म्याडिसनले गोल गर्दै टोलीलाई सुरुवाती अग्रता दिए ।

खेलको २२औं मिनेटमा सनले गोल गर्दैै अग्रता दोब्बर बनाए । ६८औं मिनेटमा होफेनहाइमका एन्टोन स्टाचले गोल गरे । ७७औं मिनेटमा सनले व्यक्तिगत दोस्रो गोल गर्दै टोटनहमको अग्रता बढाए ।

८८औं मिनेटमा होफेनहाइमका डेभिड मोक्वाले गोलमा गर्दै खेलमा फर्कने आशा जीवित राखे । तर, बाँकी समयमा गोल हुननसक्दा टोटनहमले जित निकाल्यो ।

यो जितसँगै टोटनहम ७ खेलमा १४ अंकका साथ छैठौं स्थानमा उक्लिएको छ । पराजित होफेनहाइम ७ खेलमा ६ अंकका साथ २७औं स्थानमा छ ।