सुशील पन्त क्षेत्री,चितवन

राइजिङ भरतपुर गोल्ड कप फुटबल प्रतियोगिता अर्को साता सुरु हुने भएको छ।

चितवन ११ फुटबल क्लबको आयोजनामा प्रतियोगिता माघ १२ गते सुरु हुने शनिवार रिसोर्ट मिसन सफलमा आयोजित पत्रकार सम्मेलनमा जानकारी दिइयो ।

नेपाल प्रहरी शिक्षालय भरतपुर तालिमकेन्द्रको मैदानमा हुने प्रतियोगिता माघ १९ गतेसम्म चल्नेछ ।प्रतियोगितामा ए डिभिजनसहित ८ टोली सहभागी हुने क्लबका अध्यक्ष सुशिल कार्कीले जानकारी दिए ।

प्रतियोगितामा ए डिभिजन क्लब नेपाल पुलिस क्लब सहित सरस्वती युथ क्लब काठमाडौं, बागमती युथ क्लब सर्लाही, आबुखैरेनी नगरपालिका, गैंडाकोट फुटबल क्लब, सूर्यपुर फुटबल क्लब, भरतपुर २४ खेलकुद विकास समिति र प्याराडाईज युथ क्लबको सहभागिता रहनेछ ।

प्रतियोगिताको विजेताले ट्रफीसहित ७ लाख र दोस्रो हुने टोलीले ३ लाख रुपैयाँ प्राप्त गर्नेछ । यस्तै विधागत उत्कृष्ट खेलाडीले १० तथा हरेक खेलको प्लेयर अफ दि म्याचले ५ हजार रुपैँया प्राप्त गर्नेछन् ।

प्रतियोगिताको पहिलो चरणको लागि ५० रुपैयाँ, सेमिफाइनलमा १ सय तथा फाइनलमा २ सय रुपैयाँ टिकट दर तोकिएको क्लबका अध्यक्ष कार्कीले बताए ।

क्लबले यस अघि गत वर्ष भरतपुर च्याम्पियनसिप कप आयोजना गरेको थियो । उक्त प्रतियोगिता परिमार्जन गरेर थप वृहत गर्ने योजनासहित यस पटक गोल्डकप आयोजना गरिएको कार्कीको जानकारी दिए।

पत्रकार सम्मेलनमा चितवन जिल्ला खेलकुद विकास समितिका अध्यक्ष राजन कार्कीले प्रतियोगिताको सफलताको कामना गरे ।