1 month ago
December 30, 2024
दिपक बोहोरा, पाँचथर
चर्च ब्वाइज युनाइटेडले लगातार दोस्रो पटक नकआउट फुटबल प्रतियोगिताको उपाधि जितेको छ।
मच्छिन्द्र क्लबलाई पेनाल्टी सुटआउटमा ५-४ ले हराउँदै चर्च ब्वाइजले ११ औं फाल्गुनन्द गोल्डकप फुटबल प्रतियोगिताको उपाधि जितेको । गत साता एनआरटीलाई पराजित गर्दै चर्च ब्वाइजले झापा कपको उपाधि जितेको थियो।
फिदिम माविको मैदानमा सोमवार भएको फाइनलको निर्धारित समयमा २-२ को बराबरी टुंगिएपछि टाइब्रेकरमा चर्च ब्वाइजले बाजी मारेको हो।
टाइब्रेकरमा चर्च ब्वाइज एकराज बुडाथोकी,रोहण कार्की,अवियामी,छिरिङ लामा र सुजन ढंगोलले गोल गरे ।
मच्छिन्द्रकक लागी देवेन्द्र तामाङ, सनिश श्रेष्ठ, सौरभ सुब्बा र समिरराज थोकरले गोल गरे। दयानन्दको पेनाल्टीलाई चर्च ब्वाइजका गोलकिपर क्रिशल मोक्तानले रोके ।
मच्छिन्द्रले अग्रता जोगाउन नसक्दा पराजित भयो । आत्मघाती गोलबाट ४५ औं मिनेटमा मच्छिन्द्रले खेलमा अग्रता बनायो। बल क्लियर गर्ने क्रममा चर्च ब्वाइजका अर्मान्डले आत्मघाती गोल गरेका हुन्।
७८ औं मिनेटमा चर्च ब्वाइजका छिरिङले फ्रिकिकबाट आएको प्रहारलाई हेडरमा गोल गर्दै खेल बराबरीमा ल्याए । ८८ औं मिनेटमा सनिश श्रेष्ठले गोल गर्दै मच्छिन्द्रलाई २-१ ले अघि बढाए ।
इन्ज्युरी समयको अन्तिम १ मिनेट मच्छिन्द्र सम्हालिन नसक्दा खेल टाइबे्रकरमा गयो । चर्च ब्वाइजका समिरले बराबरी गोल गरे।
चर्च ब्वाइजले ट्रफीसहित १० लाख रुपैयाँ र मच्छिन्द्रले ५ लाख रुपैयाँ प्राप्त गर्यो । फाइनलको प्लेयर अफ दि म्याच मच्छिन्द्रका सनिश श्रेष्ठ भए र उनले १० हजार रुपैयाँ प्राप्त गरे।
फिदिम स्पोर्टिङ क्लबको आयोजनामा भएको प्रतियोगितामा चर्च ब्वाइजका क्रिशल मोक्ताङ उत्कृष्ट गोलकिपर, मच्छिन्द्रका देवेन्द्र तामाङ उत्कृष्ट डिफेन्डर, चर्च ब्वाइजका दिपेश गुरुङ उत्कृष्ट मिडफिल्डर,मच्छिन्द्रका विजु भुजेल उत्कृष्ट फरवार्ड, चर्च ब्वाइजका सुमन श्रेष्ठ प्रशिक्षक घोषित भए । उत्कृष्टले जनही १० हजार रुपैयाँ प्राप्त गरे ।
सर्वोत्कृष्ट खेलाडी चर्च ब्वाइजका समिर तामाङ घोषित भए र उनले इभी स्कुटर प्राप्त गरे । उदीयमान खेलाडीका रूपमा आयोजक फिदिम स्पोर्टिङका मनिष क्षेत्री घोषित भए र उनले १० हजार रुपैयाँ प्राप्त गरे । ५ गोल गरेका चर्च ब्वाइजका समिर तामाङ सर्वाधिक गोलकर्ता बन्दै १५ हजार रुपैयाँ प्राप्त गरे ।
पुुस ६ गते सञ्चालन भएको प्रतियोगितामा १ विदेशीसहित १० टोलीको सहभागिता थियो । फाल्गुनन्द गोल्ड कप ६ वर्ष पछि आयोजना भएको हो ।
February 5, 2025
हिमाल खरेल, भद्रपुर दोस्रो भद्रपुर झापा गोल्डकप २०८१ र सौर्य एअरलाइन्स तथा भद्रपुरको ओम साई पाथिभरा हस्पिटलबीच मुख्य प्रायोजक (टाइटल स्पोन्सर) का रुपमा सम्झौता भएको छ । समझौतापछि अब ‘सौर्य एअरलाइन्स तथा ओम साई पाथिभरा हस्पिटल भद्रपुर झापा गोल्डकप’ को रुपमा प्रतियोगिता सञ्चालन हुनेछ । यो संस्करण गोल्डकप कार्यसमितिका पूर्वसदस्य तथा पूर्वराष्ट्रिय खेलाडी गम्भीर राईको […]
February 5, 2025
पोखरा (हाम्रो खेलकुद)- मछिन्द्र फुटबल क्लब पोखरामा जारी २४ औं आरा! रारा गोल्डकप फुटबल प्रतियोगिताको क्वाटरफाइनलमा प्रवेश गरेको छ। पोखरा रंगशालामा बुधवार भएको दोस्रो प्रि क्वाटरफाइनलमा विभागीय टोली एपिएफ फुटबल क्लबलाई २-० गोल ले हराउँदै मछिन्द्र अन्तिम आठमा पुगेको हो। मच्छिन्द्रलाई जित दिलाउन आदित्य शाक्य र स्टेफेन कामाहाले गोल गरे। दोस्रो दिन अर्को पूर्व विजेता […]
February 5, 2025
पोखरा (हाम्रो खेलकुद)- आहा! रारा पोखरा गोल्डकप फुटबल प्रतियोगिताको दोस्रो दिन आज पूर्व विजेता एपिएफ फुटबल क्लबले मच्छिन्द्र फुटबल क्लबको सामना गर्दैछ । पोखरा रंगशालामा खेल दिउँसो २:३० बजे सुरु हुनेछ।एपिएफ र मच्छिन्द्रबिच आहा रारामा दोस्रो पटक भेट हुन लागेको हो । यसअघि २०७८ मा पहिलो पटक भेट हुँदा एपिएफ विजयी भएको थियो। सेमिफाइनलमा भएको […]
