एजेन्सी – इंग्लिस प्रिमियर लिगमा विजयी यात्रालाई जारी राख्दै लिभरपुल शीर्ष स्थानमा थप मजबुत बनेको छ।

उपाधिको मुख्य दाबेदार लिभरपुलले बिहीवार लेस्टर सिटीलाई ३-१ ले पराजित गर्यो। लिभरपुलले १-० ले पछि परेको खेल उल्टाएको थियो।

लिभरपुलको‌ जितमा कोडी गाक्पो,कर्टिस जोन्स,मोहमद सलाहले गोल गरे। एनफिल्डमा भएको खेलमा जोर्डन एयेको गोलले लेस्टरले छैटौं मिनेटमा अग्रता लियो । पहिलो हाफको‌ इन्ज्युरी समयमा गाक्पोले लिभरपुलका लागि बराबरी गोल फर्काए ।

दोस्रो हाफ सुरु भएको चार मिनेटमा जोन्स गोल‌ गर्दै लिभरपुले २-१ को अग्रता बनायो। सलाहले ८२ औं मिनेटमा गोल गरे।

लिभरपुलको १७ खेलबाट ४२ अंक भएको छ । एक खेल बढी खेलेको दोस्रो स्थानको चेल्सीको ३५ अंक छ ।
अर्को खेलमा चेल्सी फुलहमसँग २-१ ले पराजित भयो।

इर्लिङ हालान्डले दोस्रो हाफमा हानेको पेनाल्टी
जोर्डन पिकफोर्डले रोकेपछि म्यानचेस्टर सिटी जितबाट बन्चित भएको छ।

खेलमा अग्रता लिएपनि सिटी एभर्टनसँग १-१ को बराबरीमा रोकिएको छ । लगातार चार पटकको लिग विजेता सिटीले सबै प्रतियोगिताका गरेर पछिल्ला १३ खेलमा एउटा मात्र खेल जितेको छ।एकैमा मात्र विजयी छ । 

घरेलु मैदानमा सिटीले बर्नाडो सिल्भाको गोलमा १३ औं अग्रता लिएको थियो । इलिमन एनडिआयेले ३६ औं मिनेटमा बराबरी गोल गरे ।

सिटी २८ अंकसहित सातौं स्थानमा छ । एभर्टन १७ लिएर १५ औं स्थानमा रह्यो । लगातारको खराब प्रदर्शनले सिटीलाई च्याम्पियन्स लिग छनोट पनि‌ कठिन देखिएको छ।

लिगका अन्य खेलमा उल्भ्सले म्यानचेस्टर युनाइटेडलाई २-० ले, न्युक्यासलले एस्टन भिल्लालाई ३-० ले, वेस्ट ह्यामले साउथह्यमटन १-० ले, नटिङघम फरेस्टले टोटनहमलाई १-० ले, बोर्नमाउथ र क्रिस्टल प्यालेसले गोलरहित बराबरी खेलेका छन्।