एजेन्सी – रियल म्याड्रिडले फिफा इन्टरकन्टिनेन्टल कपको उपाधि जितेको छ। स्पेनिस टोलीले रियलले म्याक्सिन क्लब पचुकालाई ३-० ले हराउँदै उपाधि जितेको हो।

कतारको लुसिया रंगशालामा भएको खेलमा केलियन एम्बाप्पे, रोड्रिगो र भिनिसियस जुनियरले गोल गरेका थिए।

दुई वर्ष अघि विश्वकप फाइनलमा एमबाप्पेले ह्याट्रिक गरेकै मैदानमा रियलका लागि पहिलो गोल गरे। उनले ३७ औं‌ मिनेटमा पोस्टको नजिकबाट गोल गरेका हुन्।

रोड्रिगोले दोस्रो हाफको सातौं मिनेटमा दोस्रो गोल गरेका छन्। फिफा वेस्ट अवार्डमा वर्षका उत्कृष्ट खेलाडी बनेका जुनियरले ८४ औं मिनेटमा पेनाल्टीमा गोल गर्दै टोलीको जित निश्चित गरे।

इन्टरकन्टिनेन्टल कपको यो पहिलो संस्करणमा हो । फिफा क्लब विश्व कपको सट्टामा इन्टरकन्टिनेन्टल कप आयोजना भएको हो।

५ महादेशको क्लब च्याम्पियनले इन्टरकन्टिनेन्टल कपमा नकआउटका आधारमा प्रतिस्पर्धा गर्नेछन्। त्यसको विजेताले युरोपियन च्याम्पियन क्लबसँग फाइनल खेल्ने छ ।

कन्काकाफ च्याम्पियनसिप कपको विजेता पाचुकाले काफ लिग विजेता इजिप्टको अल अहालीलाई हराउँदै इन्टरकन्टिनेन्टल कपको फाइनल पुगेको थियो। युरोपियन च्याम्पियन रियलले अघिल्लो राउन्ड नखेली सिधै फाइनल खेलेको हो।