एजेन्सी – म्यानचेस्टर युनाइटेड युरोपा लिग विजयी भएको छ । टोटेनहमले बराबरी खेलेको छ।
नर्वेली टोली बिन्डो विरुद्ध युनाइटेडले ३- २ ले जित निकालेको हो ।

रुबेन एमोरिमले प्रशिक्षण सम्हालेयता युनाइटेडको पहिलो जित हो । ओल्ड ट्रायफोर्डमा भएको खेलमा युनाइटेडले २-१ ले पछाडि परेर नतिजा उल्टाएको थियो। युनाइटेडका लागि रासमस रोयलुन्डले २ गोल गरे । एलेसान्द्रो ग्रानाचोले अर्को गोल गरे। बिन्डोका हाकोन इभ्जेन र फिलिप जिन्केरनागेलले गोल गरे।

ग्रानाचोले पहिलो मिनेटमा गोल गर्दै युनाइटेड अघि बढाए। इभ्जेनले १९ औ मिनेटमा बराबरी र जिन्केरनागेलले २३ मिनेटमा गोल गरेपछि बिन्डो २-१ ले अगाडि रह्यो।

रोयलुन्डले ४५ औं मिनेटमा बराबरी गोल गरे। उनले ५० औं मिनेटमा गोल गरेपछि युनाइटेड विजयी भयो ।
५ खेलपछि युनाइटेड ९ अंक सहित १२ औं स्थानमा छ । अर्को प्रिमियर लिग क्लब टोटनहम भने १० अंकमा नवौं स्थानमा छ ।

टोटनहमले दुई पटकको अग्रता जोगाउन नसक्दा एएस रोमासँग २-२ को बराबरी खेलेको छ । इटाली सिरी ए टोली लाजियो १३ अंकमा शीर्ष स्थानमा छ । लाजियोले अर्को खेलमा लुडोगोरेट्स राजग्राडसँग गोलरहित बराबरी खेल्यो ।
युरोपा कन्फ्रेन्स लिगमा क्रिस्टोफर एकुन्कु र मेखायोल मुडरिकको गोल प्रिमियर लिग टोली चेल्सीले हेडेनहेममाथि २-० को जित निकाल्यो । चेल्सी ४ खेलबाट १२ अंकसहित लिग तालिकाको शीर्ष स्थानमा छ ।