एजेन्सी – च्याम्पियन्स लिगमा मंगलवार बार्यन म्युनिख र आर्सनल विजयी भएका छन्।

बायर्न म्युनिखले पेरिस सेन्ट जर्मेन (पिएसजी) लाई १-० र आर्सनलले पोर्चुगिज क्लब स्पोर्टिङलाई ५-१ ले हो । खेलको ३८औं मिनेटमा किम मिन जाइले गरेको गोल नै बार्यनको जितका लागि पर्याप्त रह्यो ।

५६औ मिनेटमा उसमान डेम्बेलेले रातो कार्ड पाएपछि पिएसजी १० खेलाडीमा सिमित भएको थियो।

बायर्न म्युनिख ५ खेलमा ९ अंक सहित ११औं स्थानमा उक्लिएको छ । पिएसजीको ५ खेलमा ४ अंक छ र टोली २६औं स्थानमा छ।

अर्को खेलमा आर्सनललाई जित दिलाउन गाब्रियल मार्टिनेली, काई हाभेर्ट्ज, गाब्रियल माघालास, बुकायो साका र लियान्द्रो ट्रोसार्डले गोल गरे । स्पोर्टिङका गोन्सालो एनासियोले गोल फर्काए ।

खेलको सातौं मिनेटमा मार्टिनेलीको गोलमार्फत आर्सनलले अग्रता लिएको थियो । २२औं मिनेटमा हाभेर्ट्जले गोल गर्दै टोलीको अग्रता दोब्बर पारे ।

पहिलो हाफको इन्जुरी समयमा गोल माघालासले गोल गरेपछि पहिलो हाफमा आर्सनल ३-० ले अगाडि रह्यो।

४७औं मिनेटमा इनासियोले गोल गर्दै खेलमा फर्काउन प्रयास गरे । ६५औं मिनेटमा पेनाल्टीमार्फत साकाले गोल गर्दै आर्सनलको अग्रता पुनः बढाए । ८२औं मिनेटमा ट्रोसार्डले गोल गर्दै जितअन्तरलाई बढाए ।

आर्सनल र स्पोर्टिङ समान ५ खेलमा १० अंकका सात क्रमशः सातौं र आठौं स्थानमा छन् ।