एजेन्सी – एर्लिङ हालाण्डले ह्याट्रिक गरेको युइएफए नेसन्स लिगको खेलमा नर्वेले सहज जित हासिल गरेको छ ।

लिग बी समूह ३ मा नर्वेले आइतवार कजाकिस्तानलाई ५-० ले पराजित गरेको हो । घरेलु मैदानमा भएको खेलमा नर्वेको जितमा सोर्लोथ र नुसाले गोल थपे ।

हालाण्डले २३औं र ३७औं मिनेटमा गोल गर्दै नर्वेलाई सानदार सुरुवात दिलाएका थिए । ४१औं मिनेटमा सोर्लोथले अर्को गोल थपेपछि नर्वेले ३–० को अग्रता बनायो । ७१औं मिनेटमा हालाण्डले अर्को गोल गर्दै ह्याट्रिक पूरा गरे।

योसँगै हालाण्ड ७ गोलका साथ जारी नेसन्स लिगमा सर्वाधिक गोलकर्ताको सूचीमा शीर्ष स्थानमा उक्लिएका छन् । ५ गाेलका साथ पाेर्चुगलका क्रिस्टियानाे राेनाल्डाे दोस्रो स्थानमा छन् ।

७४औं मिनेटमा नुसाले गोल गर्दै नर्वेलाई सहज जित दिलाए । समूहको‌ अर्को खेलमा अस्ट्रिया र स्लोभेनियाले १-१ को बराबरी खेलेका छन्।

शीर्ष स्थानको नर्वेले ६ खेलबाट १३ अंक, दोस्रो स्थानको ११ अंक छ। समान खेलबाट स्लोभेनियाले ८ र कजाकिस्तान १ अंक जोडेको‌ छ ।

इंग्ल्यान्डले भने लिग बी समूह २ मा इंग्ल्यान्डले आयरल्यान्ड गणतन्त्रलाई ५-० ले हरायो । दस खेलाडीमा सीमित आयरल्यान्डविरुद्धका इङ्ग्ल्यान्डले सबै दोस्रो हाफमा गरेको थियो। सोही समूहमा ग्रिसले फिनल्यान्डमाथि २- ० ले पराजित गर्यो।

फ्रान्ससँग इटालीको हार
लिग ए समूह २ म फ्रान्सले इटालीलाई ३-१ ले हराएको छ। समूह बाट क्वाटरफाइनलमा पुगिसकेका दुई टोलीबीच नतिजापछि फ्रान्स समूह विजेता बनेको छ।

एक गोलको अन्तरले पराजित भएको अवस्थामा इटाली समूह विजेता बन्ने समीकरण थियो। सानसिरोमा भएको खेलमा फ्रान्सका मिडफिल्डर रेबियटले २ गोल गरे भने अर्को गोल आत्मघाती भएको थियो।
रेबियटले दोस्रो मिनेटमा गोल गर्दै टोलीलाई अघि बढाए।
३३ औं मिनेटमा इटालीका भिकारियोले आत्मघाती गोल गरे। ३५औं इटालीका आन्द्रो काम्बासियोको गोलले इटालीको आशा फर्कियो। ६५ औं मिनेटमा रेबियटले अर्को गोल गरे ।
सन् १९८३ यता घरेलु मैदानमा इटालीको यो सबैभन्दा ठूलो अन्तरको हार पनि हो । सोही समूहको
अर्को खेलमा इजरायलसँग बेल्जियम १-० स्तब्ध भएको छ।