नेपालगञ्ज (हाम्रो खेलकुद )- टुबोर्ग दोश्रो नेपालगञ्ज गोल्ड कप फुटबल प्रतियोगिता यसै महिनाको अन्त्यमा सुरू हुने भएको छ । २६ देखि चैत्र ४ गते सम्म नेपालगंज रंगशालामा हुने प्रतियोगितामा ८ वटा टिमको सहभागिता रहने आयोजक बाँके जिल्ला फुटबल संघले जानकारी दिएको छ ।

नेपालगञ्ज गोल्ड कपमा सी.एम.जी. क्लब संकटा ,मनाङ्ग मर्स्याङ्ग्दि क्लब, नेपाल प्रहरी, नेपाल आर्मी ,ए.पी.एफ.क्लब सशस्त्र प्रहरी ,दिल्ली युनाईटेड ,नेपालगंज ११ र ८ सुदुर पश्चिम ११ सहभागिता रहने बताइएको छ ।

७५ लाख रूपैयाँ खर्च हुने अनुमान गरिएको नेपालगञ्ज गोल्ड कपको विजताले उपाधिसहित ५ लाख रूपैयाँ र दोश्रो हुने टोलीले २ लाख ५१ हजार रूपैयाँ प्राप्त गर्ने छ ।

नेपालगञ्ज गोल्ड कपको मुख्य प्रायोजकका रूपमा गोर्खा ब्रुअरीको टुबोर्ग रहेको छ भने रेडबुल ,रुस्लान र प्रिती चाउचाउले सह प्रायोजन रहेका छन् । सहयोगीका रुपमा सिभिल बैंक, ज्योति बिकास बैंक, होटेल सेन्ट्रल प्लाजा कोहलपुर र एन.एल.जी.ईन्सुरेन्स कम्पनि लि.रहेका छन् । एन.एल.जी.ईन्सुरेन्स कम्पनि लि.ले खेल दौरान खेलाडी अफिसियल र रेफ्रीको दुर्घटना बिमा गरेको छ । अखिल नेपाल फुटबल संघ ,युवा तथा खेलकुद मन्त्रालय ,मध्य पश्चिम क्षेत्रीय खेलकुद विकास समिति र बाँके जिल्ला खेलकुद विकास समितिले संयुक्त रुपमा टुबोर्ग दोश्रो नेपालगंज गोल्ड कप फुटबल प्रतियोगितामा सहकार्य गरेको बाँके जिल्ला अध्यक्ष भोजराज शाहीले जानकारी दिए ।