3 hours ago
October 31, 2024
काठमाडौं ( हाम्रो खेलकुद)- बंगालादेशलाई महिला साफ च्याम्पियनसिपको उपाधि दिलाउन निर्णायक गोल गरेकी रितु पोर्ना चक्मा सर्वोत्कृष्ट खेलाडी घोषित भएकी छिन् ।
बंगालादेशको उपाधि रक्षा अभियानमा लेफ्ट विङ्गर रितुको महत्वपूर्ण भूमिका रहेको थियो। लेफ्टबाट क्रस गर्न र सनसनीपूर्ण गोलका लागि उनी माहिर छिन्।
नेपाल र बंगलादेशबीचको फाइनलमा १-१ को बराबरीको अवस्थाबाट ८२ औं मिनेटमा गोल गर्दै रितुले टोलीलाई च्याम्पियन बनाएकी थिइन् ।
लेफ्ट विङ्सबाट उनले गरेको प्रहारलाई नेपाली गोलकिपर एन्जिला तुम्बापो सुब्बाले पन्च गरेपनि बल गोलमा परिणत भएको थियो।
५० औं मिनेटमा नै बंगलादेशले मोनिका चक्माको गोलबाट अग्रता लिएको थियो।
५६ औं मिनेटमा प्रिती राईले मिडफिल्डबाट खेलेको पासमा बंगलादेशको डिफेन्स लाइनबाट गल्ती भएपछि अमिषा कार्कीले बललाई पेनाल्टी क्षेत्रभित्र लग्दै बराबरी गोल गरेकी थिइन्।
बंगलादेशकै रुम्पा चक्मा प्रतियोगिताको उत्कृष्ट गोलकिपर घोषित भएकी छन् ।
८ गोलसहित भुटानकी डेकी ल्हाजोम प्रतियोगिताको सर्वाधिक गोलकर्ता बनिन् । भुटानले फेयर प्ले अवार्ड जितेको छ।
दशरथ रंगशालामा बुधवार भएको फाइनलमा नेपाललाई २-१ ले हराउँदै बंगलादेशले लगातार दोस्रो पटक साफ च्याम्पियनसिपको उपाधि जितेको हो।
October 30, 2024
काठमाडौं (हाम्रो खेलकुद)- काठमाडौं महानगरपालिकाले महिला साफ च्याम्पियनसिपमा उप विजेता बनेको नेपाली राष्ट्रिय फुटबल टोलीलाई नगदसहित सम्मान गरेको छ। काठमाडौं महानगरपालिकाका मेयर बालेन शाह र उपमेयर सुनिता डंगोलले राष्ट्रिय टोलीकी कप्तान एन्जिला तुम्बापो सुब्बालाई बुधवार २५ लाख रुपैयाँ हस्तान्तरण गरेका छन्। दशरथ रंगशालामा बुधवार भएको फाइनलमा नेपाल बंगलादेशसँग २-१ ले पराजित भएको थियो। अघिल्लो संस्करणमा […]
October 30, 2024
काठमाडौं (हाम्रो खेलकुद) – राजेन्द्र तामाङले राष्ट्रिय महिला फुटबल टोलीको मुख्य प्रशिक्षक पद त्याग गरेको बताएका छन् । महिला साफ च्याम्पियनसिपको फाइनलमा बुधवार बंगालादेशसँग २-१ ले पराजित भएपछिको पोस्ट म्याच कन्फ्रेन्समा अब राष्ट्रिय महिला टोली नहेर्ने बताएका हुन्। ‘अब महिला राष्ट्रिय टोली हेर्दिन’, उनले भने ,’सायद अब क्लब हेर्छु होला ।’ तामाङको नेतृत्वमा महिला टोलीले […]
October 30, 2024
सुबास हुमागाईं, काठमाडौं साविक विजेता बंगलादेशले घरेलु टोली नेपाललाई हराउँदै लगातार दोस्रो पटक साफ महिला च्याम्पियनसिपको उपाधि जितेको छ । दशरथ रंगशालामा बुधबार सम्पन्न फाइनलमा नेपाललाई २-१ ले हराउँदै बंगलादेशले उपाधि रक्षा गर्यो । बंगलादेशका लागि मोनिका चक्मा र ऋतु पोर्ना चक्माले १-१ गोल गरे । नेपालको लागि अमिशा कार्कीले बराबरी गोल फर्काएपनि नेपाल खेलमा […]
