8 hours ago
October 27, 2024
काठमाडौं (हाम्रो खेलकुद) – आयोजक नेपाल, सर्वाधिक सफल भारत र साविक विजेता बंगालादेशलाई महिला साफ च्याम्पियनसिप मुख्य दाबेदारका रुपमा हेरिएको छ।
नेपाललाई समूह चरणमा गोलरहित बराबरीमा रोक्दै भुटानले पनि बिस्तारै आफ्नो उपस्थितिलाई औपचारिकता भन्दा पनि चुनौती दिन सक्षम टोलीका रुपमा आफ्नो प्रस्तुत गरेको छ।
नेपालसँग बराबरी खेलेपछि उत्साहित भुटानले त्यसपछिको खेलमा श्रीलंकालाई ४-१ र माल्दिभ्सलाई १३-० ले हराएको थियो। भुटानले पहिलो खेलबाटै आफूलाई सेमिफाइनलको दाबेदारको रुपमा प्रस्तुत गरेको थियो।
भुटानले आज अर्को परिक्षणबाट गुज्रनु पर्नेछ । दशरथ रंगशालामा आइतवार हुने पहिलो सेमीफाइनल भुटानले बंगलादेशको सामना गर्नेछ। दुई वर्षअघिको साफ च्याम्पियनसिप पनि सेमिफाइनल भेट हुँदा बंगलादेशले भुटानलाई ८-० ले हराएको थियो।
यसपटक कम्तीमा त्यो अन्तरको जित निकाल्न बंगालादेशलाई पनि सहज हुने छैन। भारतमाथि ३-१ को सहज जित निकाल्नु अघि बंगालादेशले पाकिस्तान १-१ को बराबरी गर्न निकै संघर्ष गर्नुपरेको थियो।
त्यसअर्थ भुटानले बंगलादेशलाई हराउन हरसम्भव प्रयास गर्नेछ। बंगालादेश दोस्रो पटक फाइनल पुगेर गत संस्करणमा पहिलो पटक च्याम्पियन बनेको थियो। भुटान सँग पनि पहिलो पटक फाइनल पुग्ने अवसर छ। उता बंगालादेशले भारतसँगको प्रदर्शनबाट उपाधि रक्षाको क्षमता रहेको देखाएको थियो।
नेपालका लागि भारत सधैं चुनौती
नेपालले भारतलाई साफ च्याम्पियनसिपमा एक पटक मात्र अघिल्लो संस्करणको सेमिफाइनल हराएको थियो। त्यसअघि नेपालले भारतसँगका सबै ४ पटकको फाइनल गुमाएको छ।
सन् २०१० बाट सुरु भएको च्याम्पियनसिपमा भारत गत संस्करणमा मात्र फाइनल नपुको हो । २०१६ मा बाहेक नेपालले पनि सबै फाइनल खेलेको अनुभव छ। संयोग यसपटक पनि नेपाल र भारत मध्ये एउटा टोलीले मात्र फाइनल खेल्नेछ ।
पहिलो खेलमा पाकिस्तानलाई ५-२ ले हराएको भारतले बंगलादेशसँग भने खुलेर खेल्नेछ । त्यसकारण भारतले नेपाललाई सहज लिनेछैन। घरेलु दर्शक सामू उच्च प्रदर्शनका लागि नेपाली टोली प्रतिबद्ध रहनेछ।
भुटानसँग रोकिएको नेपालले त्यसपछि माल्दिभ्सलाई ११-० र श्रीलंकालाई चाहेकै ६-० ले हराएको थियो। भारतसँगको खेल नेपालका लागि वास्तविक परिक्षा हुनेछ।
सावित्रा भण्डारी ‘साम्बा’, रेखा पौडेलबाट उच्च नेपालले उपेक्षा राखेको कप्तान एन्जिला तुम्बापो सुब्बाले बताएकी छिन्।
गत संस्करण भारतलाई १-० ले हराउँदा गोल रश्मिकुमारी घिसिङ, सविता राना मगर, प्रिती राईबाट पनि नेपाली टोलीले उच्च प्रदर्शनको अपरक्षा राख्नेछ । पहिलो खेल घाइते भएका हिराकुमारी भुजेल र दिपा शाहीको अभाव भने भारतविरुद्धको खेलमा हुन सक्दछ। यसअघिका भुटानबाहेको खेलमा नेपालले आक्रामकको सामना गर्नुपरेको छैन ।
आज भारतसँगको खेलमा कप्तान एंवम् गोलकिपर एन्जिला र रक्षापंक्तिले बलियो चुनौतीको सामना गर्नुपर्ने सम्भावना छ। पहिलो पटक च्याम्पियन बन्ने सम्भावना बढाउनका लागि नेपालले आज साँझ ६:३० बजे सुरु हुने खेलमा भारतलाई हराउनु विकल्प छैन।
October 27, 2024
काठमाडौं (हाम्रो खेलकुद) – साफ महिला च्याम्पियनसिप २०२४ अन्तर्गत दोस्रो सेमिफाइनलमा नेपाल र भारतले पहिलो हाफमा गोलरहित बराबरीमा छन् । दशरथ रंगशालामा भारतले सुरुवाती १५ मिनेट नेपाललाई पूर्ण दबाबमा राखेको थियो । त्यसपछि नेपालले खेलमा केही अवसर सिर्जना गरेपनि त्यसको सदुपयोग गर्न सकेन । अन्त्यतिर भारतले पेनाल्टी क्षेत्र भित्रबाट लगातार आक्रमण गरेपनि डिफेन्सले खतरा टार्यो […]
October 27, 2024
काठमाडौं (हाम्रो खेलकुद)- नेपालले महिला साफ च्याम्पियनसिपमा भारतविरुद्धको पहिलो रोजाईमा १ खेलाडी परिवर्तन गरेको छ। श्रीलंकाविरुद्ध समूह चरणको अन्तिम खेलको पहिलो रोजाईमा रहेकी सुरु लिम्बुको सट्टा आज पुजा रानाले सुरु गर्ने भएकी छिन्। कप्तान तथा गोलकिपर एन्जिला तुम्बापो सुब्बासहित १० जनाले निरन्तरता पाएका छन् । पुजा, एन्जिलासहित पहिलो रोजाईमा विमला विक, अमृता जैसी, रेनुका नगरकोटे, […]
October 27, 2024
काठमाडौं (हाम्रो खेलकुद) – साफ महिला च्याम्पियनसिप २०२४ अन्तर्गत भुटानलाई पहिलो सेमिफाइनलमा फराकिलो अन्तरले पराजित गर्दै बंगलादेश फाइनलमा प्रवेश गरेको छ । दशरथ रंगशालामा आइतबार सम्पन्न सेमिफाइनलमा बंगलादेशले ७-१ को जित दर्ता गरेको हो । बंगलादेशको जितमा तोहुरा खातुनले ह्याट्रिक पूरा गरिन् । सविना खातुनले २ तथा ऋतु पोर्ना चक्मा र शिउली अजिमले १-१ गोल […]