8 years ago
February 12, 2017
काठमाडौँ (हाम्रो खेलकुद) – अखिल नेपाल फुटबल संघले क्लब फुटबललाई विकास गर्ने हेतुले यसै वर्षदेखि एएफसीको क्लब लाइसेन्सिङ प्रणाली लागु गर्ने भएको छ।
यसैका लागि शनिबार सातदोबाटोस्थित एन्फा कम्प्लेक्स एएफसीका क्लब लाइसेन्सिङका अध्यक्ष महाजन वासुदेबन नाएर र ए डिभिजन क्लबहरुको प्रतिनिधिबीच एक अन्तरक्रिया कार्यक्रम आयोजना गरिएको थियो। कार्यक्रममा क्लब लाइसेन्सिङका सम्भावना र सिमितताका विषयमा क्लबहरुले आफ्नो भनाइ राखेका थिए। नेपालमा फुटबलका लागि पर्याप्त पूर्वाधार नभएको अवस्थामा क्लबहरुले एन्फा र एएफसी संग हातेमालो गर्दै अघि बढ्ने प्रण गरेका छन्। एएफसीले पनि क्लब लाइसेन्सिङ लागु गर्न सक्दो सहयोग गर्ने वाचा क्लब र एन्फालाई दिएको छ।
यसअघी एएफसीका विकास निर्देशक योगेश देसाईले दुइपटक क्लब लाइसेन्सिङ सम्बन्धि कार्यशाला गोष्ठी आयोजना गरिसकेका छन्। एएफसीले सन् २०१८ देखि एएफसी कपमा सहभागी हुन क्लब लाइसेन्सिङ अनिवार्य गरेपछि एन्फाले पनि यसै साल देखि ए डिभिजनमा क्लब लाइसेन्सिङ लागु गर्ने निर्णय लिएको हो।
हाल ‘ए’ डिभिजनमा १२ क्लब छन् भने यसै वर्ष ‘बि’ डिभिजन बाट बढुवा भएका च्यासल युवा क्लब र न्यु रोड टिम (एन.आर.टि) अर्को वर्ष ‘ए’ डिभिजन खेल्ने पक्का भइसकेको छ।
January 10, 2025
काठमाडौं (हाम्रो खेलकुद)- वालिङ नगरपालिकालाई ३-० ले हराउँदै बागमती युथ क्लबले एन्फा महिला लिगको अन्तिम चरणमा पहिलो जित निकालेको छ। चौथो खेलमा पुगेर बागमतीले अंकको खाता खोलेको छ। एन्फा कम्प्लेक्समा आज भएको खेलमा बागमतीलाई जित दिलाउन अस्मिता खवास र विष्णु माया बलले गोल गरे। बागमती र वालिङ दुवै अंकको खाता खोल्ने दाउमा थिए। यो खेल […]
January 10, 2025
काठमाडौं (हाम्रो खेलकुद)- एन्फा महिला लिगको अन्तिम चरणको आजको खेलमा आज वालिङ नगरपालिका र बागमती युथ क्लबले प्रतिस्पर्धा गर्देछन्। एन्फा कम्प्लेक्समा यी दुई टोलीले एकअर्काको सामना गर्दा अंकको खाता खोल्ने दाउमा रहनेछन्। दुवैले यसअघि तीन खेल खेलिसकेका छन्। तीन खेलमा दुवै टोलीले तीन विभागीय टिमसँग हारेका थिए। बागमतीले नेपाल पुलिस क्लब र त्रिभुवन आर्मी क्लबसँग […]
January 10, 2025
एजेन्सी – रियल म्याड्रिड स्पेनिस सुपर कपको फाइनलमा पुगेको छ । साउदी अरबको जेद्दामा भएको दोस्रो सेमिफाइनलमा बिहीवार मलोर्कालाई ३-० ले हराउँदै रियल अन्तिम दुईमा पुगेको हो । रियलको जितमा जुड बेलिंघन र रोड्रिगोले गोल गरे । अर्को गोल आत्मघाती गोल भयो । बेलिघमले ६३ औं मिनेटमा गोल को खाता खोले । इन्ज्युरी समयको तेस्रो […]
