काठमाडौं(हाम्रो खेलकुद) – ताजिकिस्तानसँगको मैत्रीपूर्ण फुटबलका लागि ३६ खेलाडी बन्द प्रशिक्षणमा बोलाइएका छन् ।

सोमवार राष्ट्रिय पुरुष फुटबल टोलीका नवनियुक्त अन्तरिम मुख्य प्रशिक्षक नवीन न्यौपानेले ३६ खेलाडीलाई बन्द प्रशिक्षणका लागि बोलाएको अखिल नेपाल फुटबल संघ (एन्फा) ले जनाएको छ ।

नेपाली टोली नोभेम्बर ११ देखि १९ को बीचमा मैत्रीपूर्ण खेलका लागि ताजिकिस्तान जानेछ ।

एन्फाले सोमवार नै पुरुष टोलीको अन्तरिम मुख्य प्रशिक्षकमा न्यौपानेलाई नियुक्त गरेको थियो । हाल राष्ट्रिय टोलीका मुख्य प्रशिक्षक रिक्त रहेकाले न्यौपानेलाई सो जिम्मेवारी दिइएको हो । औपचारिक प्रतियोगितामा राष्ट्रिय टोलीको प्रशिक्षक प्रो लाइसेन्स प्राप्तले मात्र सम्हाल्न पाउँछन् । एन्फाले गत वर्ष न्यौपाने एन्फा हेड अफ एकेडेमी नियुक्त गरेको थियो।

प्रारम्भिक नेपाली टोली

किरण चेम्जोङ, विशाल सुनार, दीप कार्की, अभिषेक बराल, जियारथ शेख, कृषल मोक्तान, अनन्त तामाङ, छिरिङ लामा, सेमान्त थापा, रोहित चन्द, विमल पाण्डे, निर्मल घिसिङ, सनिश श्रेष्ठ, विवेक चौधरी, रन्दीप पौडेल, अन्जेल महर्जन, सविन घिमिरे, अभिषेक वाइबा, लाकेन लिम्बु, रोहन कार्की, मणि लामा, उत्सव राई, भरत खवास, कुशल देउवा, एरिक विष्ट, आशिष राई, अभिनाश स्याङ्तान, मनिष डाँगी, आयुष घलान, उज्वल राई, गिलेस्पीजंग कार्की, अन्जन विष्ट, सुमित श्रेष्ठ, सञ्जीव विष्ट, समिर तामाङ, निराजन धामी।