1 hour ago
October 18, 2024
काठमाडौं (हाम्रो खेलकुद) – साफ महिला च्याम्पियनसिप २०२४ अन्तर्गत श्रीलंकाले पहिलो खेलमा माल्दिभ्सविरुद्ध पहिलो हाफमा अग्रता लिएको छ ।
दशरथ रंगशालामा श्रीलंका १-० ले अगाडी छ । पहिलो हाफको अवधिभर माल्दिभ्समाथि आक्रमण बुनेको टोलीले अन्य अवसर भने सदुपयोग गर्न सकेको छैन । माल्दिभ्सकी गोलरक्षक अमिनाथ लिजाले केही उत्कृष्ट बचाउ गर्दै गोलअन्तर बढ्न दिएकी छैनन् ।
सातौं मिनेटमा श्रीलंकाले अग्रता लिने अवसर गुमायो । गोलरक्षक र डिफेन्सबीच तालमेल नमिल्दा पेनाल्टी क्षेत्रभित्र प्राप्त बललाई थर्मिका सिवानेस्वरणले गोलमा परिणत गर्न सकिनन् । गोलरक्षक पोजिसनमा नरहेको अवस्थामा उनले हतारमा गरेको प्रहार पोस्टमा लागेर फर्केको थियो ।
१८ औं मिनेटमा श्रीलंकाले इमेशा वार्नाकलासुरियाको गोलमा अग्रता लियो । दायाँ विंगबाट प्रविना परेराले दिवको क्रसमा गोलरक्षक अमिनाथ लिजा आउन ढिला गर्दा इमेशाले बललाई हेडरमार्फतपोस्टको दिशा दिइन् ।
३३ औं मिनेटमा इमेशालाई गोलरक्षक अमिनाथले लगातार दुई पटक विफल पारिन् । इमेशाले पेनाल्टी क्षेत्र बाहिरबाट गरेको प्रहार गोलरक्षक अमिनाथले फर्काएपछि रिबाउन्ड पुन: इमेशाले नै प्रहार गरिन् । दोस्रो प्रयासलाई भने अमिनाथले पोस्टमाथि पन्च गरिदिइन् । ३७ औं मिनेटमा थर्मिकाले पेनाल्टी क्षेत्र बाहिरबाट गरेको शक्तिशाली प्रहारलाई अमिनाथले मुस्किलले पन्च गर्दै बाहिर पठाइन् ।
आज समूह बी को अर्को खेलमा साँझ ५:३० बजे नेपाल र भुटान खेल्नेछन् ।
October 18, 2024
काठमाडौं (हाम्रो खेलकुद) – श्रीलंकाले साफ महिला च्याम्पियनसिप २०२४ मा विजयी सुरुवात गर्ने क्रममा माल्दिभ्सलाई पराजित गरेको छ । दशरथ रंगशालामा शुक्रबार सम्पन्न समूह बी को खेलमा श्रीलंकाले माल्दिभ्सलाई १-० ले हराएको हो । श्रीलंकाको जितमा इमेशा वार्नाकलासुरियाले पहिलो हाफमा गरेको गोल नै निर्णायक सावित रह्यो । यससँगै श्रीलंकाले समूहमा ३ अंक जोडेको छ । […]
October 18, 2024
काठमाडौं (हाम्रो खेलकुद) – साफ महिला च्याम्पियनसिपमा आज आयोजक नेपालले भुटानसँग खेल्दैछ । नेपाल जितबाट प्रतियोगिताको सुरूवात गर्ने दाउमा रहनेछ । छोटो तयारीका बाबजुद नेपाली टिमले उपाधि जित्ने लक्ष्य बनाएको छ। यसको लागि आज जितबाट सुरूवात गर्न जरूरी छ। दशरथ रङ्गशालामा साँझ ५:३० बजे हुने खेलमा नेपाललाई घरेलु दर्शकको साथ रहनेछ । आजको खेलमा नेपालकी […]
October 17, 2024
काठमाडौं (हाम्रो खेलकुद) – साफ महिला च्याम्पियनसिप अन्तर्गत उद्घाटन खेलमा भारतले पाकिस्तानमाथि जित दर्ता गर्दै विजयी सुरुवात गरेको छ । दशरथ रंगशालामा भारतले ५-२ को जित दर्ता गर्दै महत्त्वपूर्ण ३ अंक जोडेको छ । भारतले सुरुवाती समयमै गोल गर्दै सानदार सुरुवात गरेको थियो । पहिलो हाफमै एक समय ४-० को अग्रतामा रहेको भारत दोस्रो हाफमा […]
