2 hours ago
October 16, 2024
काठमाडौं (हाम्रो खेलकुद) – दशरथ रंगशालामा बिहीवार सुरु हुने साफ महिला च्याम्पियनसिपको टिकट मोबाइल एपबाट पनि खरिद गर्न सकिने भएको छ ।
दक्षिण एसियाली महिला फुटबलको यस प्रतिष्ठित प्रतियोगिताको सातौं संस्करण कात्तिक १ गतेदेखि दशरथ रंगशालामा हुँदैछ । प्रतियोगिताको लागि टिकट विक्री गर्न अखिल नेपाल फुटबल संघ (एन्फा) सँग माउन्ट एभरेष्ट स्पोर्ट एण्ड इभेन्ट प्रा. ली.ले सम्झौता पनि गरिसकेको छ ।
माउन्ट एभरेष्टले प्रतियोगिता सुरु हुने अघिल्लो दिन डिजिटल वालेट खल्ती एपबाट टिकट खरिद गर्न सकिने व्यवस्था मिलाएको छ । खल्ती र माउन्ट एभरेष्ट स्पोर्ट एण्ड इभेन्ट र खल्तीबीच सम्झौता भइसकेको छ । सम्झौता पत्रमा माउन्ट एभरेष्ट स्पोर्ट एण्ड इभेन्ट प्रा.लि. का प्रमूख कार्यकारी अधिकृत (सिइओ) थमन भुषाल र खल्ती प्रा. ली. का सिइओ विनय खड्काले बुधबार हस्ताक्षर गरेका छन् ।
दर्शकहरुले जुनसुकै समयमा खल्तीको एपबाट सोझै अनलाइन टिकट खरिद गर्न पाउनेछन् । यसका साथै दर्शकलाई वैकल्पिक सुविधा दिनका लागि खल्तीले दशरथ रंगशाला परिसरमा टिकट विक्रीका लागि काउन्टरहरु पनि सञ्चालन गर्नेछ ।
टिकट दर समूह चरणमा सामान्यतर्फ ३ सय र भीआइपी प्याराफिटतर्फ ५ सय रुपैयाँ तोकिएको छ । नकआउट चरणमा भने टिकट मूल्य साधारणतर्फ ५ सय र भिआइपीतर्फ १ हजार रुपैयाँ तोकिएको छ ।
October 16, 2024
सरिता श्रेष्ठ, काठमाडौं साफ वुमन्स च्याम्पियनसिपमा आयोजक नेपाल यो पटक पनि दाबेदार मध्ये एक टोली हो। दाबेदार हुँदाहुँदै पनि फाइनल खेल जित्न नसक्ने नेपाली टोलीको छवि बनेको। यसअघिका ६ संस्करणमा नेपालले एउटामा बाहेक सबै फाइनल खेलेको छ। बिडम्बना पाँचै पटक फाइनलमा हारेको तितो अनुभव नेपालसँग छ। त्यसो त ६ मध्ये ५ पटक फाइनलमा पुग्नु पनि […]
October 16, 2024
सुबास हुमागाईं, काठमाडौं साफ महिला च्याम्पियनसिपको सातौं संस्करण विहीबार दशरथ रंगशालामा सुरु हुँदैछ । नेपालमा लगातार तेस्रो पटक आयोजना हुन लागेको प्रतियोगिताको पूर्वसन्ध्यामा भारतले आफ्नो पुरानो दवदवा कायम राख्ने लक्ष्य राख्दा साविक विजेता बंगलादेश र नेपालले पनि उपाधि जित्ने लक्ष्य रहने बताएका छन् । प्रतियोगिताको पूर्व सन्ध्यामा सहभागी सातै टोलीले आ-आफ्नो तयारी र लक्ष्यबारे अभिव्यक्ति […]
October 16, 2024
काठमाडौं (हाम्रो खेलकुद)- साफ च्याम्पियनसिपको सहभागी नेपाली महिला टोलीलाई युनिलिभर नेपालले ट्राभल किट्स प्रदान गरेको छ। युनिलिभर नेपालले गत वर्षदेखि महिला टोलीलाई प्रायोजन गर्दै आएको छ। सातदोबाटो स्थित एन्फा कम्प्लेक्स बुधवार आयोजित कार्यक्रममा युनिलिभर नेपालको कन्ट्री एचआर हेड सानिस्ता भाटिया, मार्केटिङ हेड सौरभ कारन्जितलगायतले टोलीका खेलाडीलाई ट्राभल किट्स र युनिलिभरको उत्पादन हस्तान्तरण गरेका थिए । […]