3 hours ago
October 16, 2024
काठमाडौं (हाम्रो खेलकुद)- साफ च्याम्पियनसिपको सहभागी नेपाली महिला टोलीलाई युनिलिभर नेपालले ट्राभल किट्स प्रदान गरेको छ। युनिलिभर नेपालले गत वर्षदेखि महिला टोलीलाई प्रायोजन गर्दै आएको छ।
सातदोबाटो स्थित एन्फा कम्प्लेक्स बुधवार आयोजित कार्यक्रममा युनिलिभर नेपालको कन्ट्री एचआर हेड सानिस्ता भाटिया, मार्केटिङ हेड सौरभ कारन्जितलगायतले टोलीका खेलाडीलाई ट्राभल किट्स र युनिलिभरको उत्पादन हस्तान्तरण गरेका थिए । युनिलिभर महिला विश्व कपको पनि प्रायोजक रहँदै आएको छ।
युनिलिभर नेपाल मार्केटिङ हेड कारन्जितले महिला टोलीमा सफलता प्राप्त गर्ने सम्भावना रहेको उल्लेख गर्दै साफका लागि शुभकामना दिए।
अखिल नेपाल फुटबल संघ (एन्फा) का अध्यक्ष पंकज विक्रम नेम्वाङले भविष्यमा पनि युनिलिभरको साथ रहने विश्वास व्यक्त गरे । उनले नेपाल यसपटक उपाधि घरमै राख्ने आफूहरु आशावादी रहेको बताए ।
अध्यक्ष नेम्वाङले साफ च्याम्पियनसिपको गेट कलेक्सनको २० प्रतिशत महिला टोलीको खेलाडीलाई दिने घोषणा गरे । ८० लाख रुपैयाँमा एन्फाले माउन्टेन एभरेष्ट स्पोर्टस एन्ड इभेन्टस प्रालिलाई टिकटिङ जिम्मेवारी दिनेको सम्झौता गरिसकेकोले टोलीले १६ लाख रुपैयाँ पाउने पक्का भएको छ।
नेपालसहित दक्षिण एसियालीका ७ राष्ट्रका महिला टोलीको सहभागिता रहने साफ च्याम्पियनसिप बिहीवार त्रिपुरेश्वरस्थित दशरथ रंगशालामा सुरु हुनेछ। पाकिस्तान र भारतबीच उद्घाटन खेल हुनेछ । त्यो समूहमा अर्को टोली बंगालादेश रहेको छ।
साफको समूह बीमा आयोजक नेपाल सहित माल्दिभ्स, भुटान र श्रीलंका छन् । नेपालले शुक्रवार भुटानसँग खेल्दै साफ च्याम्पियनसिपको सुरुवात गर्नेछ।
नेपालले लगातार तेस्रो पटक साफ च्याम्पियनसिप आयोजना गर्दैछ।
सन् २०१९ मा विराटनगर र गतवर्ष काठमाडौंमा आयोजना भएको थियो। त्यसमा नेपाललाई हराउँदै बंगालादेश पहिलो पटक च्याम्पियन बनेको थियो।
एउटा बाहेक सबै संस्करण फाइनल खेलेको नेपाली टोली अहिलेसम्म च्याम्पियन बनेको छैन।च्याम्पियनसिपका लागि २३ सदस्यीय नेपाली टोली सोमवार घोषणा भएको थियो।
October 16, 2024
काठमाडौं (हाम्रो खेलकुद) – दशरथ रंगशालामा विहीबारदेखि सुरु हुने साफ महिला च्याम्पियनसिपको टिकट मोबाइल एपबाट पनि खरिद गर्न सकिने भएको छ । दक्षिण एसियाली महिला फुटबलको यस प्रतिष्ठित प्रतियोगिताको सातौं संस्करण यही कात्तिक १ गतेदेखि दशरथ रंगशालामा हुँदैछ । प्रतियोगिताको लागि टिकट विक्री गर्न अखिल नेपाल फुटबल संघ (एन्फा) सँग माउन्ट एभरेष्ट स्पोर्ट एण्ड इभेन्ट […]
October 16, 2024
एजेन्सी – कप्तान लियोनल मेस्सीको ह्याट्रिकको सहयोगमा फिफा विश्वकप २०२६ को दक्षिण अमेरिका छनोट खेलमा अर्जेन्टिनाले बोलिभियामाथि फराकिलो जित हासिल गरेको छ । बुधवार बिहान भएको खेलमा अर्जेन्टिनाले बोलिभियालाई ६-० गोल अन्तरले पराजित गर्यो । घरेलुु मैदानमा भएको खेलमा अर्जेन्टिनालाई जित दिलाउन कप्तान मेस्सीका साथै थियागो अल्मडा, जुलियन अल्भारेज र लौटरो मार्टिनेजले समान १ गोल […]
October 15, 2024
काठमाडौं (हाम्रो खेलकुद)- यसै साता सुरु हुने महिला साफ च्याम्पियनसिपमा भाग लिन ३ राष्ट्रिय फुटबल टोली मंगलवार काठमाडौं आइपुगेका छन्। साफ च्याम्पियनसिपको सर्वाधिक सफल टोली भारत, साविक विजेता बंगलादेश र श्रीलंका आज आएका हुन्।टोलीलाई अखिल नेपाल फुटबल संघ (एन्फा) प्रवक्ता सुरेश शाहलगायतले त्रिभुवन अन्तर्राष्ट्रिय विमानस्थलमा स्वागत गरेका थिए। पाकिस्तानी टोली आइतवार र माल्दिभ्स टोली सोमवार […]