7 hours ago
October 16, 2024
एजेन्सी – कप्तान लियोनल मेस्सीको ह्याट्रिकको सहयोगमा फिफा विश्वकप २०२६ को दक्षिण अमेरिका छनोट खेलमा अर्जेन्टिनाले बोलिभियामाथि फराकिलो जित हासिल गरेको छ । बुधवार बिहान भएको खेलमा अर्जेन्टिनाले बोलिभियालाई ६-० गोल अन्तरले पराजित गर्यो ।
घरेलुु मैदानमा भएको खेलमा अर्जेन्टिनालाई जित दिलाउन कप्तान मेस्सीका साथै थियागो अल्मडा, जुलियन अल्भारेज र लौटरो मार्टिनेजले समान १ गोल गरे । मेस्सीले दुई गोलमा असिस्ट समेत गरेका थिए ।
खेलको १९औं मिनेटमा कप्तान मेस्सीले अर्जेन्टिनालाई सुरुवाती अग्रता दिलाए । मार्टिनेजले ४३औं मिनेटमा टोलीको अग्रता दोब्बर बनाए । पहिलो हाफको इन्ज्युरी समयमा अल्भारेजले गोल गर्दै अर्जेन्टिनालाई ३-० मा पुर्याए ।
खेलको ६९औं मिनेटमा गोल गर्दै अल्मडाले खेललाई ४० मा पुर्याए । मेस्सीले ८४औं र ८६औं मिनेटमा गोल थप्दै आफ्नो ह्याट्रिक पूरा गरे र अर्जेन्टिनालाई सहज जित दिलाए ।
अर्जेन्टिना १० खेलमा २२ अंकका साथ शीर्ष स्थानमा कायम रहँदा पराजित बोलिभिया समान खेलबाट ११ अंकका साथ ७ औं स्थानमा छ ।
आजै भएको अन्य खेलमा कोलम्बियाले चिलीलाई ४-० ले हराउँदा पराग्वेले भेनेजुयलामाथि २-१ को जित हात पार्यो । इक्वेडर र उरुग्वेले गोल रहित बराबरी खेले ।
October 15, 2024
काठमाडौं (हाम्रो खेलकुद)- यसै साता सुरु हुने महिला साफ च्याम्पियनसिपमा भाग लिन ३ राष्ट्रिय फुटबल टोली मंगलवार काठमाडौं आइपुगेका छन्। साफ च्याम्पियनसिपको सर्वाधिक सफल टोली भारत, साविक विजेता बंगलादेश र श्रीलंका आज आएका हुन्।टोलीलाई अखिल नेपाल फुटबल संघ (एन्फा) प्रवक्ता सुरेश शाहलगायतले त्रिभुवन अन्तर्राष्ट्रिय विमानस्थलमा स्वागत गरेका थिए। पाकिस्तानी टोली आइतवार र माल्दिभ्स टोली सोमवार […]
October 15, 2024
काठमाडौं (हाम्रो खेलकुद) – नेपाली महिला राष्ट्रिय फुटबल टोलीकी फरवार्ड सावित्रा भण्डारी ‘साम्बा’ ले बिहीवारदेखि सुरु हुने साफ महिला च्याम्पियनसिप अन्तर्गत पहिलो खेल गुमाउने भएकी छिन् । साफ महिला च्याम्पियनसिपमा नेपालले पहिलो खेल शुक्रबार भुटानसँग खेल्दा साम्बा उपस्थित नहुने पक्का भएको छ । फ्रान्सेली क्लब एन अभान्ट ग्वेंगाम्पबाट व्यावसायिक फुटबल खेलिरहेकी साम्बालाई क्लबले आफ्नो लिग […]
October 15, 2024
एजेन्सी – फ्रान्सले युरोपियन नेसन्स लिगमा लगातार तेस्रो जित हासिल गरेको छ । फ्रान्सले सोमवार बेल्जियममाथि २-१ जित हात पार्यो । बेल्जियमको घरेलु मैदानमा भएको खेलमा फ्रान्सलाई जित दिलाउन रान्डल कोलो मुअनीले २ गोल गरे । बेल्जियमका लागि लोइस ओपेन्डाले १ गोल फर्काए। खेलको २३औं मिनेटमा यौरी टिएलेम्यान्सले पेनाल्टी चुकाउँदा बेल्जियमले अग्रता बनाउने अवसर गुमायो […]
