3 hours ago
October 10, 2024
हिमाल खरेल, बिर्तामोड
बिर्तामोड नगरपालिका वडा नम्बर ४ ले बिर्तामोडमा अन्तरवडा फुटबल प्रतियोगिताको उपाधि जितेको छ । वडा नं. ५ लाई बिहीवार सडनडेथमा हराउँदै वडा नं. वडा ४ ले उपाधि जितेको हो।
निर्धारित समयमा गोलरहित बराबरीमा खेल सकिएपछि भएको टाइब्रेकर पनि बराबर भएको थियो । सडनडेथमा वडा नम्बर ५ लाई ८–७ गोलअन्तरले हराउँदै वडा नम्बर ४ च्याम्पियन बनेको हो ।
जितसँगै वडा नम्बर ४ ले १ लाख रुपैयाँ ट्रफी, मेडल र प्रमाणपत्र पायो । दोस्रो भएको वडा नम्बर ५ ले ५० हजार रुपैयाँ ट्रफी, मेडल र प्रमाणपत्रमा प्राप्त गर्यो।
फाइनल खेलको प्लेयर अफ द म्याच वडा नम्बर ४ का नगेन्द्रमणि लिम्बू भए । उनले २ हजार रुपैयाँ र ट्रफी पाए ।
त्यस्तै, प्रतियोगिताको सर्वोत्कृष्ट खेलाडी बनेका वडा नं. ४ का हिसुब थपलियाले १० हजार रुपैयाँ र ट्रफी पाए ।
उत्कृष्ट प्रशिक्षक वडा नम्बर ४ का गोपाल राई तथा गोलकिपर वडा नं. ४ का रोशन शाह भए ।
उत्कृष्ट डिफेन्डर वडा नं. ४ का प्रविन सिटौला, मिडफिल्डर वडा नं.५ का अंकुर तामाङ, फरवार्ड वडा नं. ९ का दिशान्त राई भए । उनीहरुले ५ हजार रुपैयाँ र ट्रफी पाए ।
यसैबीच, आजै सम्पन्न भेट्रान प्रतियोगिताको उपाधि वडा नम्बर १० ले जितेको छ । वडा नं. ५ लाई ५–० गोलअन्तरले हराउँदै वडा नम्बर १० च्याम्पियन बनेको हो ।उपाधिसँगै वडा नम्बर १० ले २५ हजार, ट्रफी, मेडल र प्रमाणपत्र पायो भने उपविजेता बनेको वडा नम्बर ५ ले १५ हजार रुपैयाँ, ट्रफी, मेडल र प्रमाणपत्र प्राप्त गर्यो ।
झापाको बिर्तामोड नगर खेलकुद विकास समितिले आयोजना गरेको प्रतियोगिताका विजेता तथा उपविजेतालाई विशिष्ट अतिथि नगर उपप्रमुख नगेन्द्रप्रसाद संग्रौला, वडा अध्यक्षहरु, समिति अध्यक्ष विकास गिरी, प्रतियोगिता संयोजक सन्तोष गुरुङ, मिसन बिर्तामोडका संयोजक माधवकुमार झा लगायतले पुरस्कार वितरण गरेका थिए ।
समिति अध्यक्ष गिरीको अध्यक्षतामा सम्पन्न पाँचौँ संस्करणको प्रतियोगिता सैनिक बजारमा रहेको महेन्द्रज्योति माविको खेल मैदानमा भएको थियो । कार्यक्रमको सञ्चालन समिति सचिव बिसन लिम्बूले गरेका थिए ।
October 8, 2024
काठमाडौं (हाम्रो खेलकुद)- दक्षिण एसियाली फुटबल महासंघ साफको तालिका अनुसार साफ वुमन्स च्याम्पियनसिप फुटबलको तयारी अघि बढिरहेको अखिल नेपाल फुटबल संघ ( एन्फा) ले जनाएको छ।साफ कात्तिक १ देखि १४ गते सम्म दशरथ रंगशालामा हुँदैछ। दशरथ रंगशालाको स्तर सुधार गर्न समय अझै केहि दिन रहेको एन्फाले जनाएको छ। असोज १८ र १९ गते दशरथ रंगशालामा […]
October 8, 2024
काठमाडौं (हाम्रो खेलकुद )- सिस्नेरीको पहिरोमा परेर मृत्यु भएका एन्फा एकेडेमीका ६ युवा खेलाडी मध्ये प्रियांश आचार्यको परिवारले घटनाको सत्यतथ्य छानबिन गरेपछि मात्र अखिल नेपाल फुटबल संघ (एन्फा) ले दिने आर्थिक सहयोग बुझ्ने बताएको छ। एन्फा अध्यक्ष पंकज विक्रम नेम्वाङसहितको टोली सोमवार धादिङ गल्छी गाउँपालिका ३ प्रियांशको घर पुग्दा उनको परिवारले तत्काल रकम लिन अस्वीकार […]
October 7, 2024
काठमाडौं (हाम्रो खेलकुद) – फुटबल मिसन टुगेदरको आयोजनामा दोस्रो भेट्रान्स कप फुटबल प्रतियोगिता हुने भएको छ । ४० वर्ष माथिका फुटबलरहरुको सहभागिता रहने प्रतियोगिता कात्तिक ३ गतेदेखि ११ गतेसम्म मध्यपुर फुटबल मैदानमा हुनेछ । अखिल नेपाल फुटबल संघ(एन्फा)को प्राविधिक सहयोग रहने प्रतियोगितामा २१ टोलीको सहभागिता रहने सोमवार आयोजित पत्रकार सम्मेलनमा जानकारी दिइयो। प्रतियोगिताको आयोजनाका लागि […]