2 hours ago
October 8, 2024
काठमाडौं (हाम्रो खेलकुद)- दक्षिण एसियाली फुटबल महासंघ साफको तालिका अनुसार साफ वुमन्स च्याम्पियनसिप फुटबलको तयारी अघि बढिरहेको अखिल नेपाल फुटबल संघ ( एन्फा) ले जनाएको छ।
साफ कात्तिक १ देखि १४ गते सम्म दशरथ रंगशालामा हुँदैछ।
दशरथ रंगशालाको स्तर सुधार गर्न समय अझै केहि दिन रहेको एन्फाले जनाएको छ। असोज १८ र १९ गते दशरथ रंगशालामा एसियाली स्तरको रग्बी च्याम्पियनसिप आयोजना भएको थियो।
रंगशालाको घाँस केहि पहेंलो भएपनि समय बाँकी रहेकोले मैदान खेल्न लायक बनाउने एन्फाका प्रतियोगिता निर्देशक सञ्जीव मिश्रले मंगलवार आयोजित पत्रकार सम्मेलनमा बताए। आइतवार म्याच कमिस्नर आएपछि मैदानको निरीक्षण गरिने पनि मिश्रले जानकारी दिए।
दशरथ रंगशालाको विषयमा राष्ट्रिय खेलकुद परिषद् (राखेप) का सदस्य सचिव टंकलाल घिसिङले जुँगाको लडाइँ बनाएको भन्दै प्रधानमन्त्री र खेलकुद मन्त्री कसैको निर्देशन नमानी एकलौटी ढंगले रग्बी प्रतियोगिता गर्ने दिएर मैदान बिगारेको आरोप एन्फाका उपाध्यक्ष दीपक खतीवडाले लगाएका छन् ।
पत्रकार सम्मेलनमा देश बाहिर व्यवसायिक लिग खेलिरहेको दुई महत्वपुर्ण खेलाडी सावित्रा भण्डारी ‘साम्बा’ र रेखा पौडेल साफको लागि नेपाल आउने जानकारी दिइएको छ।
तर सोमवारसम्म सावित्राको फ्रान्सेली क्लबलाई उनलाई उपलब्ध गराउन एन्फाले आधिकारिक पत्र पठाएको छैन। मौखिक रूपमा कुराकानी भैरहेको पत्रकार जानकारी दिइयो।
साफको लागि एन्फाले टेलिभिजन ब्रोडकास्ट, मार्केटिङ र डिजिटल अधिकार मात्र २५ लाख रुपैयाँमा एडी रिलिजलाई बेचेको जनाइएको छ।
अन्तराष्ट्रिय प्रतियोगिताका लागि किन कम मुल्यमा अधिकार बेचेको भन्ने प्रश्नमा एन्फाले सुचना जारी गरेपनि एक मात्र कम्पनीले दाबी गरेकोले उसैलाई अधिकार प्रदान गरिएको उपाध्यक्ष खतिवडाले बताए।
प्रतियोगिता आयोजनाका लागि ४ करोड ६० हजार ८ सय रुपैयाँ खर्च हुने अनुमान एन्फाको छ। सबै रकम दक्षिण एसियाली फुटबल महासंघले नै उपलब्ध गराउने एन्फा प्रवक्ता सुरेश शाहले बताए।
साफको एउटा समूहमा नेपाल सहित माल्दिभ्स, भुटान र श्रीलंका छन् । अर्को समूहमा भारत, पाकिस्तान र बंगलादेश छन् । नेपालले कात्तिक २ गते भुटानसँग खेल्दै साफ च्याम्पियनसिपको सुरुवात गर्नेछ।
सावित्रा र रेखा बाहेक २५ सदस्यीय नेपाली टोली अहिले बन्द प्रशिक्षणमा छन्।
नेपालले लगातार तेस्रो पटक साफ च्याम्पियनसिप आयोजना गर्दैछ। सन् २०१९ मा विराटनगर र गतवर्ष काठमाडौंमा आयोजना भएको थियो।
October 8, 2024
काठमाडौं (हाम्रो खेलकुद )- सिस्नेरीको पहिरोमा परेर मृत्यु भएका एन्फा एकेडेमीका ६ युवा खेलाडी मध्ये प्रियांश आचार्यको परिवारले घटनाको सत्यतथ्य छानबिन गरेपछि मात्र अखिल नेपाल फुटबल संघ (एन्फा) ले दिने आर्थिक सहयोग बुझ्ने बताएको छ। एन्फा अध्यक्ष पंकज विक्रम नेम्वाङसहितको टोली सोमवार धादिङ गल्छी गाउँपालिका ३ प्रियांशको घर पुग्दा उनको परिवारले तत्काल रकम लिन अस्वीकार […]
October 7, 2024
काठमाडौं (हाम्रो खेलकुद) – फुटबल मिसन टुगेदरको आयोजनामा दोस्रो भेट्रान्स कप फुटबल प्रतियोगिता हुने भएको छ । ४० वर्ष माथिका फुटबलरहरुको सहभागिता रहने प्रतियोगिता कात्तिक ३ गतेदेखि ११ गतेसम्म मध्यपुर फुटबल मैदानमा हुनेछ । अखिल नेपाल फुटबल संघ(एन्फा)को प्राविधिक सहयोग रहने प्रतियोगितामा २१ टोलीको सहभागिता रहने सोमवार आयोजित पत्रकार सम्मेलनमा जानकारी दिइयो। प्रतियोगिताको आयोजनाका लागि […]
October 7, 2024
एजेन्सी – इङ्ग्लिस प्रिमियर लिग(इपिएल) फुटबलमा टोटनहम हट्सपर ब्राइटनसँग पराजित हुँदा म्यानचेस्टर युनाइटेड र चेल्सीले अंक बाँडेका छन् । ब्राइटनको घरेलु मैदानमा आइतवार बेलुका भएको खेलमा टोटनहम ३–२ ले पराजित भयो । ब्राइटनको जितमा यान्कुबा मिन्टे, जर्जिन्हो रुटेर र डानी वेलबेकले समान १ गोल गरे । टोटनहमका लागि ब्रेनन जोनसन र जेम्स म्याडिसनले गोल गरेका […]