लिभरपुल लगातार दोस्रो जित

एजेन्सी – इङ्ग्लिस क्लब लिभरपुलले च्याम्पियन्स लिगमा लगातार दोस्रो जित दर्ता गरेको छ ।

घरेलु मैदान एनफिल्डमा बुधवार राति भएको खेलमा लिभरपुलले इटलीयन क्लब बोलोग्नालाई २-० ले पराजित गरेको हो ।

लिभरपुलको जितमा म्याक एलिस्टर र मोहम्मद सलाहले गोल गरेका थिए । एलिस्टरले ११औं मिनेटमा गोल गर्दै टोलीलाई सुरुवाती अग्रता दिलाएका थिए ।

सलाहले ६५औं मिनेटमा गोल गर्दै खेललाई २-० मा पुर्याएका थिए । जितसँगै ६ अंकका लिभरपुल पाँचौं स्थानमा छ। बोलोग्ना भने १ अंकका साथ २६औं स्थानमा छ।

अर्को खेलमा स्पेनिस क्लब रियल म्याड्रिड पराजित भएको छ। साविक विजेता रियल फ्रान्सेली टोली लिएसँग १-० ले पराजित भएको हो।

जोनाथन डेभिडले पहिलो हाफको इन्ज्युरी समयको दोस्रो मिनेटमा गरेको गोल नै खेलको निर्णायक बनेको थियो। दोस्रो खेलमा लिलको यो पहिलो जित हो भने
रियलको यो पहिलो हार हो। दुवैको समान ३ अंक छ।