सुमन अधिकारी, बुटवल

रुपन्देहीमा जारी ३६ औ झरना रनिङशिल्ड फुटबल प्रतियोगिताको सेमिफाइनल समिकरण पूरा भएको छ ।

अब फाइनल प्रवेशको लागि आयोजक झरना स्पोर्टस क्लब र गोर्खा ब्वाइज स्पोर्टस क्लबबीच प्रतिस्पर्धा
त्यस्तै अर्को सेमिफाइनल लिस्नु युवा क्लब र जनज्योति युवा क्लबबीच हुनेछ ।

मंगलवार भएको अन्तिम क्वाटरफाइनलमा झरनाको‌ जितसँगै समिकरण पूरा भएको हो। स्वर्गिय खगी गुरुङसेनीको पुण्य स्मृतिमा कुन्जलापुरस्थित फुटबल मैदानमा भएको खेलमा कपिलवस्तु-११ लाई २ -१ के पराजित गर्दै झरनाले सेमिफाइनल पुगेको छ ।

खेलको नवौं मिनेटमा आयोजक झरनाका निरज चौधरीले गोल गर्दै खेलमा अग्रता दिलाएका थिए । त्यो अग्रता धेरै समय टिक्न सकेन ।

खेलको १३ औं मिनेटमा कपिलवस्तुका भरत नागलको पासलाई आशिष पुनले आर्कषक हेडमार्फत गोल गर्दै खेल बराबरी बनाएका थिए ।

पहिलो हाफको इन्ज्युरी समयमा झरनाका दिपेश आलेले गरेको गोल नै खेको निर्णायक बनेको‌ थियो । झरनाका जितेश गुरुङ प्लेयर अफ दी म्याचबाट पुरस्कृत भए ।

पहिलो सेमिफाइल बुधवार जनज्योति र लिस्नु युवाबीच हुनेछ । प्रतियोगिताको विजेताले ३ लाख ३१ हजार र दोस्रो हुने टोलीले १ लाख ८१ हजार रुपैयाँ प्राप्त गर्नेछ।