3 hours ago
September 25, 2024
काठमाडौं (हाम्रो खेलकुद)- सानदार कमब्याकमा घरेलु टोली भुटानलाई २-१ ले माथ दिंदै नेपाल साफ यु-१७ च्याम्पियनसिपको सेमिफाइनलमा स्थान बनाउन सफल भएको छ।
थिम्पुस्थित चङ्लिमिथाङ रंगशालामा भुटान विरूद्ध मैदानमा उत्रदा सेमिफाइनल प्रवेशका लागि नेपाललाई जितको विकल्प थिएन। यसअघि पाकिस्तानले श्रीलंकालाई हराउँदै सेमिफाइनलमा पुगिसकेको थियो। भुटानलाई भने सेमिफाइनल प्रवेशका लागि बराबरी नै प्रयाप्त थियो।
जहाँ नेपाल विरूद्ध घरेलु टोली भुटानले ४३औं मिनेटमा अग्रता बनायो। योनतेन थारचेनले गोल गरे। पहिलो हाफमा नेपाल १-० ले पछि पर्यो। दोस्रो हाफमा नेपाल दबाबमा थियो। किनकी सेमिफाइनल प्रवेशका लागि जित बाहेकको विकल्प थिएन। १-० ले पछि परेको नेपालले ५६औं मिनेटमा बराबरी गोल फर्कायो। कृष्ण बहादुर आलेको गोलमा खेल १-१ बराबरीमा पुग्यो।
नेपालले खेलमा फर्कने संकेत दियो। बराबरीमा पनि दबाबमा नेपाल थियो। तर खेल सकिन पाँच मिनेट बाँकी छँदा घरेलु टिम र घरेलु दर्शकलाई स्तब्ध बनाउँदै सुजन डंगोलले गोल गरे। यही गोल निर्णायक बनाउँदै नेपालले २-१ को जितमा सेमिफाइनलको यात्रा तय गर्यो।
यो नेपालको दोस्रो जित हो। समुह चरणको ३ खेलमा २ जित र १ हार सहित नेपालले ६ अंक बनायो। नेपाल समूह उपविजेता बन्दै सेमिफाइनलमा प्रवेश गर्यो। १ बराबरी र २ जितमा ७ अंक बनाएको पाकिस्तान समुह विजेता बन्दै अन्तिम चारमा स्थान बनाउन सफल रहयो।
भुटानले १ जित १ बराबरी र १ हारमा ४ अंक जोड्दा तेस्रो स्थानमा रहँदै समुह चरणबाट बाहिरियो। समुहको सबैभन्दा कमजोर श्रीलंका ३ खेलमा हार बेहोर्दै अंक बिहिन बन्यो।
नेपाल पहिलो खेलमा पाकिस्तानसँग १-० ले हार्दा दोस्रो खेलमा श्रीलंकालाई ४-० ले हराउन सफल भएको थियो। अब नेपालले सेमिफाइनलमा भारतलाई प्रतिद्वन्द्वीको रूपमा भेट्टाएको छ। भारत समुह ए को विजेता बन्दै सेमिफाइनलमा पुगेको हो।
September 25, 2024
सुमन अधिकारी, बुटवल रुपन्देहीमा जारी ३६ औँ झरना रनिङशिल्ड फुटबल प्रतियोगिताको पहिलो चरणको खेल सकिएको छ । १६ टोलीको सहभागिता रहेको प्रतियोगिताबाट गोर्खा ब्याइज, योङ स्टार, झरना स्पोटर्स क्लब, न्यु सिर्जना क्लब, जेजेएफसी, कपिलवस्तु–११, लिस्नु युवा क्लब र फुलवारी गाइज अन्तिम ८ मा पुग्न पुगेको छन् । बिहीवारबाट प्रतियोगिताको क्वाटर फाइनल खेल सुरु हुने छ […]
September 25, 2024
काठमाडौं(हाम्रो खेलकुद) – विभागीय टोली नेपाल पुलिस क्लबले एन्फा महिला लिगमा कर्णाली प्रदेशमाथि कठिन जित हासिल गरेको छ । आफ्नो आठौं खेलमा पाँचौ जित निकाल्ने क्रममा पुलिसले बुधवार कर्णालीमाथि ३-० को जित हात पारेको छ । एन्फा कम्प्लेक्स सातदोबाटोमा भएको खेलमा पुलिसलाई जित दिलाउन निर्मला उपाध्याय, मनिषा राउत र सम्झना लावतीले समान गोल गरे । […]
September 25, 2024
काठमाडौं (हाम्रो खेलकुद) – एएफसी यु-२० एसियन कप छनोटमा नेपाल उज्वेकिस्तानसँग ६-० को फराकिलो अन्तरमा पराजित भएको छ । दोस्रो हारमा नेपालको छनोटको संभावना अत्यन्त न्युन बनेको छ । चाइनिज ताइपेइमा जारी छनोट अन्तर्गत आज न्यु ताइपेइस्थित फु जेन क्याथोलिक युनिभर्सिटीको मैदानमा भएको खेलमा नेपालको पोष्टमा उज्वेकिस्तानले सहजै आधा दर्जन गोल गर्यो । सुरूवात देखि […]