2 hours ago
September 25, 2024
काठमाडौं(हाम्रो खेलकुद) – विभागीय टोली नेपाल पुलिस क्लबले एन्फा महिला लिगमा कर्णाली प्रदेशमाथि कठिन जित हासिल गरेको छ ।
आफ्नो आठौं खेलमा पाँचौ जित निकाल्ने क्रममा पुलिसले बुधवार कर्णालीमाथि ३-० को जित हात पारेको छ ।
एन्फा कम्प्लेक्स सातदोबाटोमा भएको खेलमा पुलिसलाई जित दिलाउन निर्मला उपाध्याय, मनिषा राउत र सम्झना लावतीले समान गोल गरे ।
निर्मलाले ४३औं मिनेटमा गोल गर्दै पुलिसलाई सुरुवाती अग्रता दिलाईन् । मनिषाले ५४औं मिनेटमा गोल गर्दै पुलिसको अग्रता दोब्बर बनाइन् । पुलिसका लागि ८२औं मिनेटमा सम्झनाले गोल गरिन् । यो जितसॅंगै पुलिसले दोस्रो चरणमा स्थान पक्का गरेको छ ।
जित पछि ८ खेलमा १८ अंकका साथ पुलिस तेस्रो स्थानमा छ । पराजित कर्णालीको समान खेलबाट ४ अंकका साथ दोस्रो चरण प्रवेशको सम्भावनाबाट बाहिरिएको छ ।
अखिल नेपाल फुटबल संघ(एन्फा) को आयोजनामा जारी लिगमा १० टोलीको सहभागिता रहेको छ । सहभागी टोलीले पहिलो चरणमा एक अर्का विरुद्ध खेल्नेछन् । पहिलो चरणमा शीर्ष ५ मा रहने टोली दोस्रो चरणका लागि छनोट हुनेछ ।
September 25, 2024
काठमाडौं (हाम्रो खेलकुद) – एएफसी यु-२० एसियन कप छनोटमा नेपाल उज्वेकिस्तानसँग ६-० को फराकिलो अन्तरमा पराजित भएको छ । दोस्रो हारमा नेपालको छनोटको संभावना अत्यन्त न्युन बनेको छ । चाइनिज ताइपेइमा जारी छनोट अन्तर्गत आज न्यु ताइपेइस्थित फु जेन क्याथोलिक युनिभर्सिटीको मैदानमा भएको खेलमा नेपालको पोष्टमा उज्वेकिस्तानले सहजै आधा दर्जन गोल गर्यो । सुरूवात देखि […]
September 25, 2024
एजेन्सी – स्पेनिस ला लिगामा रियल म्याड्रिडले कठिन जित हासिल गरेको छ । रियलले मंगलवार अल्भेसलाई ३-२ ले पराजित गरेको थियो । घरेलु मैदानमा सान्टियागो बर्नाबेउमा रियललाई जित दिलाउन लुकास भ्याजकास,केलियन एम्बाप्पे र रोड्रिगोले गोल गरेका थिए । भ्रमणकारी टोली अल्भेसका लागि कार्लोस बेनाविडेज र किके गार्सियाले गोल गरेका थिए। खेलको पहिलो मिनेटमा नै रियलका […]
September 24, 2024
काठमाडौं(हाम्रो खेलकुद) – संकटा क्लबलाई हराउँदै बागमती युथ क्लबले एन्फा महिला लिगको दोस्रो चरण प्रवेशको सम्भावना बलियो बनाएको छ । आफ्नो आठौं खेलमा तेस्रो जित निकाल्नेक्रममा बागमतीले मंगलवार संकटामाथि ३-१ को जित हासिल गरेको हो । एन्फा कम्प्लेक्स सातदोबाटोमा भएको दिनको दोस्रो खेलमा बागमतीलाई जित दिलाउन गिफ्टी अचालिगंपोगले २ तथा पुष्पा कुमारी खड्काले १ गोल […]