2 hours ago
September 24, 2024
सुशील पन्त क्षेत्री,चितवन
आयोजक हानामी भरतपुर फुटबल क्लब बिएफसीलाई स्तब्ध पार्दै नेपाल पुलिस क्लब गोल्डेन इमिनेन्ट दोस्रो चितवन गोल्डकप फुटबल प्रतियोगिताको सेमिफाइनलमा प्रवेश गरेको छ ।
अन्तिम क्वाटरफाइनलमा पुलिसले मंगलवार बिएफसीलाई पेनाल्टी सुटआउटमा ५-३ ले पराजित गर्दै पुलिस सेमिफाइनलमा स्थान पक्का गरेको हो ।
त्यस अघि निर्धारित समयको खेल २-२ को बराबरी सकिएको थियो । पुलिसका लागि दुवै गोल सुजन मगरले गरे ।आयोजकका सन्जिव विष्ट र सृजन गौतमले गोल गरे ।
खेलको १८ औं मिनेटमा सुजनको गोलमा पुलिसले अग्रता लिएको थियो । ६० औं मिनेटमा सन्जिवले बिएफसीका लागि बराबरी गोल फर्काए ।
६२ औं मिनेटमा सुजनले व्यक्तिगत दोस्रो गोल गर्दै पुलिसलाई पुन: अग्रता दिलाए ।
खेलको अन्तिम मिनेटमा सृजनले गोल गरेपछि निर्धारित समय २-२ को बराबरीमा सकियो । दुई गोल गरेका पुलिसका सुजन म्यान अफ दि म्याच भए ।
यो सँगै सेमिफाइनलमा पुलिस र एपिएफबीच विभागीय डर्बी हुने पक्का भएको छ । प्रतियोगितामा बुधवार पहिलो सेमिफाइनल खेल हुनेछ । जसमा सल्हेस एफसी सिराहा र बुटवल लुम्बिनी एफसी भिड्नेछन् । खेल दिउँसो ३:३० बजे हुनेछ ।
असोज १२ गतेसम्म चल्ने प्रतियोगिताको विजेताले ट्रफीसहित ६ लाख तथा दोस्रो टोलीले ३ लाख रुपैयाँ प्राप्त गर्नेछ ।
September 24, 2024
काठमाडौं(हाम्रो खेलकुद) – संकटा क्लबलाई हराउँदै बागमती युथ क्लबले एन्फा महिला लिगको दोस्रो चरण प्रवेशको सम्भावना बलियो बनाएको छ । आफ्नो आठौं खेलमा तेस्रो जित निकाल्नेक्रममा बागमतीले मंगलवार संकटामाथि ३-१ को जित हासिल गरेको हो । एन्फा कम्प्लेक्स सातदोबाटोमा भएको दिनको दोस्रो खेलमा बागमतीलाई जित दिलाउन गिफ्टी अचालिगंपोगले २ तथा पुष्पा कुमारी खड्काले १ गोल […]
September 24, 2024
सुमन अधिकारी, बुटवल आयोजक झरना स्पोर्ट्स क्लब रुपन्देहीमा जारी ३६ औं झरना रनिङशिल्ड फुटबल प्रतियोगितामा विजयी भएको छ । मंगलवार भएको खेलमा देवदह ब्वाइज एफसीलाई ५-१ ले पराजित गर्दै झरना समूह बीबाट क्वाटरफाइनलमा प्रवेश गरेको छ । एक विदेशी खेलाडीसहित मैदानमा उत्रेको झरनाले खेल सुरु भएको तेस्रो मिनेट मै गोलको सामना गरेको थियो।देवदहका सुरज थापाले […]
September 24, 2024
काठमाडौं (हाम्रो खेलकुद)-अन्तराष्ट्रिय फुटबल महासंघ (फिफा) का अध्यक्ष जियानी इनफान्टिनो नेपाल आउने भएका छन् । दक्षिण एसियाली राष्ट्रहरू भ्रमणका क्रममा इन्फान्टिनो असोज २१ गते नेपाल आइपुग्ने अखिल नेपाल फुटबल संघ (एन्फा) स्रोतले जनाएको छ। करिब १३ घण्टाको नेपाल बसाईको क्रममा इन्फान्टिनोले राष्ट्रपति रामचन्द्र पौडेल र प्रधानमन्त्री केपी शर्मा ओलीसँग भेट्ने कार्यक्रम तय भएको छ। साथै […]