2 hours ago
September 23, 2024
काठमाडौं(हाम्रो खेलकुद) – तीन खेलाडीले ह्याट्रिक गरेको खेलमा नेपाल एपिएफ फुटबल क्लबले सुदूरपश्चिम प्रदेशविरुद्ध गोलको वर्षा गरेको छ ।
एन्फा महिला लिगमा सातौं जित निकाल्ने क्रममा सोमवार एपिएफले सुदूरपश्चिमलाई १९-० ले हराएको छ।
एन्फा कम्प्लेक्स सातदोबाटोमा भएको खेलमा एपिएफलाई फराकिलो जित दिलाउने क्रममा रश्मिकुमारी घिसिङ र अनिता केसीले ४ गोल , प्रिती राईले ह्याट्रिक, कुशुम खतिवडा र सविता राना मगरले समान २ तथा सरु लिम्बु र रेनुका हमालले समान १ गोल गरिन् । सुदूरपश्चिम प्रदेशले एपिएफलाई २ गोल उपहार स्वरुप दिएको थियो ।
रश्मिले आठौं, ४२औं, ४६औं र ७३औं मिनेटमा गोल गरिन् । अनिताले १३औं, पहिलो हाफको इन्ज्युरी समयमा २ तथा ६२औं मिनेटमा गोल गरिन् । प्रितीले पहिलो हाफको इन्ज्युरी समयमा तथा ६४औं र ६६औं मिनेटमा गोल गर्दै ह्याट्रिक पूरा गरिन् ।
कुशुमले ८३औं र ८५औं मिनेटमा गोल गरिन् । सविताले ३०औं र ४४औं मिनेटमा गोल थपिन् । सरुले ३३औं र रेनुकाले ८९औं मिनेटमा गोल गरिन् । सुदूरपश्चिमका सुमि हगंम राई र टिक्श्वरी साउदले आत्मघाती गोल गरिन् ।
आजै भएको पहिलो खेलमा कोशी प्रदेश र चन्द्रपुर नगरपालिकाले १-१ को बराबरी खेलेका छन् ।
चन्द्रपुरका लागि सुनिता सुनारले ५१औं मिनेटमा गोल गरिन् । खेल सकिन १० मिनेट बाँकी रहँदा ममता राउतले गोल गर्दै खेललाई बराबरीमा पुर्याइन् ।
बराबरीसँगै कोशी ८ खेलमा ११ अंकका साथ पाँचौ स्थानमा कायमै रहेको छ । चन्द्रपुरले समान खेलबाट ८ अंक जोड्दै सातौं स्थानमा छ ।
एपिएफ लिगको ८ खेलमा ७ जित र १ बराबरी सहित २२ अंकका साथ तालिकाको शीर्ष स्थानमा छ । सुदूरपश्चिम ८ खेलमा अंकबिहीन तालिकाको पुछारमा छ ।
अखिल नेपाल फुटबल संघ(एन्फा) को आयोजनामा जारी लिगमा १० टोलीको सहभागिता रहेको छ । सहभागी टोलीले पहिलो चरणमा एक अर्का विरुद्ध खेल्नेछन् ।
September 23, 2024
सुशील पन्त क्षेत्री,चितवन सल्हेस एफसी सिराहा गोल्डेन ईमिनेन्ट दोस्रो चितवन गोल्डकपको सेमिफाइनलमा प्रवेश गरेको छ । सूर्यपुर एफसी चितवनलाई सोमवार हराउँदै सल्हेसले सेमिफाइनलको यात्रा तय गरेको हो । सल्हेसले सूर्यपुरलाई पेनाल्टी सुटआउटमा मा ५-३ ले हरायो । टाइब्रेकरमा सल्हेसका जय गुरुङ, सुमित श्रेष्ठ, दीपेश आले, सन्तोष क्षेत्री र कुलदीप कार्कीले गोल गरे। सूर्यपुरका हिसुब थपलिया, […]
September 23, 2024
सुमन अधिकारी, बुटवल रुपन्देहीमा जारी ३६ औं झरना रनिङशिल्ड फुटबल प्रतियोगितामा सोमवार जनज्योती फुटबल क्लब (जेजेएफसी) विजयी भएको छ । स्वर्गिय खगी गुरुङसेनीको पुण्य स्मृतिमा कुन्जलापुरस्थित फुटबल मैदानमा वालिङ युनाइटेड एफसीलाई संघर्षपूर्ण खेलमा २-१ ले पराजित गर्दै जेजेएफसी प्रतियोगिताको अन्तिम आठमा पुगेको छ । निकै प्रतिस्प्रधात्मक खेलको पहिलो हाफ गोल रहित बराबरी सकिएको थियो । […]
September 23, 2024
काठमाडौं(हाम्रो खेलकुद) – समिर तामाङको ह्याट्रिकको सहयोगमा नेपालले एएफसी यु२० एसियन कप छनोटमा पहिलो जित हासिल गरेको छ । नेपालले घरेलु टोली चाइनिज ताइपेइलाई सोमवार ३-१ ले पराजित गरेको हो। पहिलो खेलमा भने कम्बोडियासँग नेपालले ४-१ को हार बेहोरेको थियो। खेलको ३२औं मिनेटमै समिरले गोल गर्दै नेपाललाई सुरवाती अग्रता दिलाएका थिए । समिरले अर्को गोल […]