3 months ago
September 22, 2024
हिमाल खरेल, बिर्तामोड
बेलबारी आरजु राइस अन्तर्राष्ट्रिय आमन्त्रण गोल्डकप फुटबल प्रतियोगितामा प्रदान गरिने अढाई किलो चाँदीमा दुई तोला सुनजडित गोल्डकपको ट्रफी सार्वजनिक गरिएको छ ।
गोल्डकपको मूल्य झण्डै ८ लाख रुपैयाँ रहेको बताइएको छ । आयोजक एलएक्ससिटी फुटबल क्लबले बेलबारी नगरपालिकाको सभाहलमा आइतवार पत्रकार सम्मेलन गर्दैै गोल्डकपको ट्रफी सार्वजनिक गरेको हो ।
बेलबारी ११ निवासी चलचित्र निर्माता पोपिराज राई र ज्योतिराज राईले आफ्ना स्वर्गीय बुबाको स्मृतिमा गोल्डकप ट्रफी सौजन्य गरेका हुन् । राईले पत्रकार सम्मेलनकै अवसरमा गोल्डकप ट्रफी बेलबारी नगरपालिकाका मेयर दिलप्रसाद राईलाई हस्तान्तरण गरे ।
गोल्डकप असोज ११ देखि १९ गतेसम्म बेलबारी ११ को लक्ष्मी खेल मैदानमा हुँदैछ । सातौँ संस्करणदेखि प्रतियोगिता लगातार तीन पटक जित्ने टिमले गोल्डकप सुरक्षित गर्नेछ ।
पहिलोपटक १० टिमले सहभागिता जनाउने प्रतियोगितामा नेपाल पुलिस क्लब, बुटवल लुम्बिनी फुटबल क्लब, भारतको दलसिंहपारा फुटबल क्लब, बिग्रेड ब्वाइज र आयोजक एलएक्ससिटी फुटबल क्लबले समूह ‘बी’ बाट प्रतिस्पर्धा गर्नेछन् ।
यस्तै समूह ‘ए’ बाट चित्लाङ फुटबल क्लब काठमाडौँ, रारा फुटबल क्लब धनकुटा, सहलेस फुटबल क्लब सिराहा, भोजपुर जिल्ला फुटबल संघ र झापा ११ एफसीले प्रतिस्पर्धा गर्नेछन् ।
प्रतियोगिताका विजेताले ८ लाख रुपैयाँ तथा दोस्रो हुने टोलीले ४ लाख रुपैयाँ र ट्रफी प्राप्त गर्नेछन् । खेल आयोजना गर्न ६० लाख रुपैयाँ खर्च हुने अनुमान गरिएको छ ।
प्रस्तावित रङ्गशालामा ३५ सय दर्शक अटाउने अस्थायी प्यारापिट निर्माण भइसकेको क्लबका उपाध्यक्ष ज्ञानुराज राईले बताए ।
December 21, 2024
दिपक बोहोरा, पाँचथरआयोजक फिदिम स्पोर्टिङ क्लबले ११ औं फाल्गुनन्द गोल्ड कप फुटबल प्रतियोगितामा विजयी सुरुवात गरेको छ । फिदिम माविको मैदानमा शनिवार भारतको खर्साङ फुटबल क्लब भारत लाई पेनाल्टी सुटआउटमा ५-४ ले पराजित गर्दै फिदिम क्वाटरफाइनलमा पुगेको छ। निर्धारित समय गोलरहित सकिएपछि टाइब्रेकरमा आयोजक टोलीले बाजी मार्यो । टाइब्रेकरमा फिदिमका आशिष चापागाई,विशाल दर्जी,शुकराज राई र […]
December 21, 2024
हिमाल खरेल,बिर्तामोडन्यु रोड टिम (एनआरटी) झापाको बिर्तामोडमा आयोजना भएको झापा कपको फाइनलमा प्रवेश गरेको छ । जितसँगै एनआरटीले लिग विजेता चर्च ब्वाइज युनाइटेडसँगको भेट पक्का गरेको छ । एनआरटीले शनिवार इटहरीको राष्ट्रिय जागृति क्लबलाई टाइब्रेकरमा ३–० ले हराउँदै फाइनलमा स्थान सुरक्षित गरेको हो । खेलको ९० मिनेट गोलरहित बराबरी भएपछि खेलको निर्णय टाइब्रेकरबाट भएको थियो […]
December 21, 2024
दिपक बोहोरा, पाँचथरफाल्गुनन्द गोल्डकप फुटबल प्रतियोगिताको ११ औं संस्करण आज सुरु हुँदैछ । ६ वर्ष पछि हुन लागेको फाल्गुनन्द गोल्डकप प्रतियोगिताको उद्घाटन खेलमा आयोजक फिदिम स्पोर्टिङ क्लब र भारतको खर्साङ फुटबल क्लबबीच प्रतिस्पर्धा हुने छ । खेल फिदिम माविकाे मैदानमा दिउँसाे १ बजेबाट सुरु हुने छ । १० टोलीले सभागिता रहेको प्रतियोगितामा आइतवार मच्छिन्द्र एफसी […]
