2 hours ago
September 22, 2024
हिमाल खरेल, बिर्तामोड
झापा एफसी मोरङको पथरीमा जारी प्रथम पथरीशनिश्चरे गोल्डकप फुटबल प्रतियोगिताको सेमिफाइनलमा प्रवेश गरेको छ ।
पथरी ११ एफसीले आयोजना गरेको गोल्डकपमा आइतवार दोस्रो क्वार्टर फाइनलमा धरान सिटी एफसीलाई ४–० ले हराउँदै झापा ११ अन्तिम चारमा पुगेको हो ।
झापा ११ का लागि प्रदीप बुढाथोकीले ह्याट्रिक पूरा गरे । उनले खेलको नवौं , ११ औं र ५२औँ मिनेटमा गोल गर्दै ह्याट्रिक पूरा गरेका हुन् । प्रदिप प्लेयर अफ दि म्याच बने । अर्को गोल अभिषेक गुरुङको नाममा रह्यो । पारस कार्कीले मिलाइदिएको पासमा अभिषेकले खेलको इन्ज्युरी समयमा गोल गरेका हुन् ।
शनिवार उद्घाटन खेलमा आयोजकले पाँचथर क्लबलाई २–१ हराउँदै सेमिफाइनलमा प्रवेश गरेको थियो ।
विजेताले ३ लाख तथा दोस्रो हुने टोलीले २ लाख रुपैयाँसहित ट्रफी मेडल र प्रमाणपत्र प्राप्त गर्ने मेला समिति अध्यक्ष सुमन विकले जानकारी दिए ।
प्रतियोगिताको सर्वोकृष्ट खेलाडीले २५ हजार तथा विधागत उत्कृष्ट खेलाडी समान १० हजार रुपैयाँ प्राप्त गर्नेछन् । प्रत्येक खेलको प्लेयर अफ द म्याचले ५ हजार प्राप्त गर्नेछन् ।
September 22, 2024
सुशील पन्त क्षेत्री, चितवनएपिएफ फुटबल क्लब गोल्डेन इमिनेन्ट दोस्रो चितवन गोल्डकप फुटबलको सेमिफाइनलमा प्रवेश गरेको छ । १० खेलाडीमा सीमित वीरगन्ज युनाइटेडलाई ३–० ले हराउँदै एपिएफ सेमिफाइनलमा पुगेको हो । एपिएफको जितमा विके तमाङले २ तथा बुद्धिमान राईले १ गोल गरे । खेलको ४१ औं मिनेटमा बुद्धिमानको गोलमा एपिएफले अग्रता लिएको थियो । दोस्रो हाफमा […]
September 22, 2024
हिमाल खरेल, बिर्तामोड बेलबारी आरजु राइस अन्तर्राष्ट्रिय आमन्त्रण गोल्डकप फुटबल प्रतियोगितामा प्रदान गरिने अढाई किलो चाँदीमा दुई तोला सुनजडित गोल्डकपको ट्रफी सार्वजनिक गरिएको छ । गोल्डकपको मूल्य झण्डै ८ लाख रुपैयाँ रहेको बताइएको छ । आयोजक एलएक्ससिटी फुटबल क्लबले बेलबारी नगरपालिकाको सभाहलमा आइतवार पत्रकार सम्मेलन गर्दैै गोल्डकपको ट्रफी सार्वजनिक गरेको हो । बेलबारी ११ निवासी […]
September 22, 2024
एजेन्सी – जर्मन बुन्डेसलिगामा बार्यन म्युनिखले अपराजित यात्रा कायम राखेको छ । सिजनमा लगातार चौथो जित निकाल्ने क्रममा बायर्नले शनिवार विडर ब्रेमेनलाई ५-० ले पराजित गर्यो । ब्रेमेनको घरेलु मैदानमा भएको खेलमा बायर्नलाई जिताउन माइकल ओलिसीले २ तथा सर्ज नेर्भी, ह्यारी केन र जमाल मुसियालाले समान १ गोल गरे । ओलिसीले २३औं मिनेटमा गोल गर्दै […]