2 hours ago
September 21, 2024
काठमाडौं (हाम्रो खेलकुद)- एएफसी यु-२० एसियन कप छनोटको पहिलो खेलमा नेपाल कम्बोडियासँग ४-१ को फराकिलो अन्तरले पराजित भएको छ।
चाइनिज ताइपेईमा जारी ग्रुप बीको खेलमा नेपालले कमजोर प्रदर्शन गर्यो। नेपाल विरूद्ध कम्बोडियाले सुरूवातमा नै अग्रता बनायो। भ्रेक फानको हेडर गोलमा खेलको तेस्रो मिनेटमा कम्बोडियाले अग्रता कायम गर्यो।
पहिलो गोल खाएर सम्हालिन नपाउँदै नेपालले सातौं मिनेटमा दोस्रो गोल बेहोर्यो। नेपाली खेलाडीले क्लियर गर्न नसकेको बललाई फोयुक थाथायीले सही दिशा दिए।
सात मिनेटभित्र २-० ले परेको नेपालले पहिलो हाफको इन्जुरी समयमा गोल फर्कायो। निराजन कार्कीको क्रसमा समिर तामाङको डाइभिङ हेडर सुन्दर गोलमा परिणत भयो।
तर दोस्रो हाफमा पनि कम्बोडियाले खेलमा पकड बनायो। ६१औं मिनेटमा मिन चानरिथले बक्स बाहिरबाट हानेको प्रहार गोलमा परिणत भयो।
३-१ ले पछि परेपछि नेपालले फरर्वाडमा बढी जोड दियो। जहाँ नेपाल सफल हुन सकेन भने त्यसको फाइदा उठाउँदै खेल सकिन सात मिनेट बाकी छँदा इएभ सोभानाराले अर्को गोल थपे। अब नेपालले सोमवार आयोजक चाइनिज ताइपेइको सामना गर्नेछ।
नेपाल ग्रुप बीमा डिफेन्डिङ च्याम्पियन उज्वेकिस्तान, बहराइन, चाइनिज ताइपेइ र कम्बोडियासँग रहेको छ। सन् २०२५ मा हुने एएफसी यु-२० एसियन कपमा कुल ४५ राष्ट्रको सहभागिता रहेको छ।
४५ राष्ट्रलाई १० समुहमा विभाजन गरिएको छ। प्रत्येक समुहको विकेता र ५ उत्कृष्ट उपविजेता यु-२० एसियन कपमा छनोट हुनेछन्।
September 21, 2024
काठमाडौं(हाम्रो खेलकुद) – विभागीय टोली नेपाल पुलिस क्लबले एन्फा महिला लिगमा वालिङ नगरपालिकामाथि जित हात पारेको छ । वालिङलाई हराउँदै पुलिसले आफ्नो अपराजित यात्रा कायमै राखेको हो । त्रिपुरेश्वरस्थित दशरथ रंगशाला भएको खेलमा पुलिसले वालिङलाई २-० ले पराजित गरेको हो । पुलिसलाई जित दिलाउन दुवै गोल सम्झना लावतीले गरिन् । सम्झनाले ६७औं र इन्ज्युरी समयमा […]
September 21, 2024
काठमाडौं (हाम्रो खेलकुद)–अन्नपूर्ण आरसिटीले १९ औं साधारण सभाको अवसरमा शनिवार पहिलो पटक महिलालाई पनि सदस्यता प्रदान गरेको छ । योसँगै आरसिटीले महिला टिम बनाउने र प्रतियोगिता खेल्ने बाटो खोलेको छ । अध्यक्ष सुरेशकाजी शाक्यले ३ दर्जन भन्दा बढी महिला सदस्यलाई क्लबमा स्वागत गरे । महिला टिम बनाएपछि आरसिटीले एन्फा वुमेन्स लिगमा सहभागिता जनाउने पाउनेछ । […]
September 21, 2024
धादिङ (हाम्रो खेलकुद) – धादिङकाे निलकण्ठ नगरपालिका वडा नं.१४ धुवाकोटमा चौथो खुल्ला सेभेन ए साइड नकआउट फुटबलसँगै खुल्ला मिनि म्याराथन दौड प्रतियोगिता हुने भएको छ । कुपा युवा समाजको आयोजनामा विजया दशमी तथा दीपावलीको अवसरमा असोज २३ गतेदेखि कात्तिक १ गतेसम्म फुटबल तथा खुल्ला १० किलोमिटर मिनि म्याराथन दौड प्रतियोगिता हुने क्लबका अध्यक्ष हर्क गुरुङले जानकारी […]