1 hour ago
September 20, 2024
सुमन अधिकारी, बुटवल
लिस्नु युवा क्लब रुपन्देहीमा जारी ३६ औं झरना रनिङ शिल्ड फुटबल प्रतियोगिताको क्वाटरफाईनलमा प्रवेश गरेको छ ।
स्वर्गिय खगी गुरुङसेनीको पुण्य स्मृतिमा झरना स्पोर्टस क्लबको आयोजनामा जारी प्रतियोगिताको तेस्रो दिन शुक्रवार सुनौलो संगम युवा क्लबलाई ४-० ले पराजित गर्दै लिस्नु समुह एबाट अन्तिम ८ मा पुग्ने पहिलो टोली बनेको छ ।
लिस्नुलाई जित दिलाउन सुशील राईले २ तथा शिशिर लेखी, सुदीप श्रेष्ठले गोल गरेका थिए। कुन्जलापुरस्थित उमा निमाविको फुटबल मैदानमा राष्ट्रिय खेलाडीसहित मैदान उत्रेको लिस्नु खेलमा सुरुवातबाटै हाबी बनेको थियो। तर गोलको लागि पहिलो हाफको अन्तिमतिर सम्म कुर्नुपरेको थियो ।
४३ औं मिनेटमा शिशिरले गोल गर्दै टोलीलाई अघि बढाए। दोस्रो हाफमा सुदिप श्रेष्ठले पेनाल्टीमा र सुशीलले २ गोल गरेका थिए।
लिस्नुका शिशिर प्लेयर अफ अफ दी म्याचबाट पुरस्कृत भए । शनिवार योङ स्टार मुडाहा र सम्पुर्ण युवा क्लबबीचमा खेल हुने खेल संयोजक विजय पुनले जनाएका छन् । प्रतियोगिताको विजेताले टोलीले ३ लाख ३१ हजार रुपैयाँ प्राप्त गर्नेछ।
September 20, 2024
सुशील पन्त क्षेत्री,चितवन प्रतिस्पर्धात्मक खेलमा राइजिङ स्टार भुमहीलाई पराजित गर्दै आयोजक हानामी भरतपुर फुटबल क्लब (बिएफसी) गोल्डेन इमिनेन्ट दोस्रो चितवन गोल्डकपको क्वाटरफाइनलमा प्रवेश गरेको छ । नेपाल प्रहरी शिक्षालयको मैदानमा आज भएको खेलमा बिएफसीले राइजिङलाई ३-२ ले हरायो । बिएफसीको जितमा राज भुसालले २ तथा सन्जीब बिष्टले १ गोल गरे । राङजिङ स्टारका फागुराम थारु […]
September 20, 2024
काठमाडौं(हाम्रो खेलकुद) – अमिशा कार्की र चन्द्रा भन्डारीले ह्याट्रिक गरेको एन्फा महिला लिगको खेलमा त्रिभुवन आर्मी क्लबले चन्द्रपुर नगरपालिकामाथि फराकिलो जित हात पारेको छ । सातौं खेलमा पाँचौ जित निकाल्ने क्रममा शुक्रवार आर्मीले चन्द्रपुरलाई १०-० ले पराजित गर्यो ।एन्फा कम्प्लेक्स सातदोबाटोमा भएको खेलमा आर्मीकस अमिशा र चन्द्रासँगै हिमा चौधरी, दिपा शाही, शर्मिला मगर र अन्जना […]
September 20, 2024
काठमाडौं(हाम्रो खेलकुद) – रश्मि कुमारी घिसिङले ५ गोल गरेको खेलमा विभागीय टोली एपिएफ क्लब अपराजित रहदै शीर्ष स्थानमा कायमै छ । एन्फा कम्प्लेक्स सातदोबाटोमा भएको आजको पहिलो खेलमा एपिएफले कोशी प्रदेशमाथि ८-० को फराकिलो जित निकाल्यो । एपिएफको जितमा रश्मिका अलवा अनिता बस्नेतले २ तथा अनिता केसीले १ गोल गरिन् । एपिएफका लागि पाँचौं मिनेटमा […]