झरना रनिङशिल्डमा कपिलवस्तु -११ को‌ जित

सुमन अधिकारी,बुटवल

झरना स्पोर्टस क्लबको आयोजनामा रुपन्देहीमा जारी ३६ औं झरना रनिङ शिल्ड फुटबल प्रतियोगितामा बिहीवार कपिलवस्तु -११ ले जित निकाल्दै अन्तिम आठमा पुगेको छ ।

समूह बीको खेलमा नवयुवा खेलकुद तथा सांस्कृतिक परिवारलाई ६-० ले पराजित गर्दै कपिलवस्तु क्वाटरफाइनलमा पुगेको हो ।

कुन्जलापुरस्थित उमा निमाविको फुटबल मैदानमा भएको खेलको ११ औ मिनेटमा कपिलवस्तुका कप्तान सन्जु सेनले गोल गरे । निरज चौधरीले ३१ औं मिनेटमा गोल गर्दा कपिलवस्तुले पहिलो हाफमा २-० को अग्रता बनायो।

सन्जुले ५१औं मिनेटमा व्यक्तिगत दोस्रो गोल, मनिष पुनले ६२ औं मिनेटमा तथा अविनाश थापाले ६५ औं र ७० औं मिनेटमा गोल गरेपछि कपिलवस्तुको जित सहज बन्यो। कपिलवस्तुका अविनाश थापा प्लेयर अफ दी म्याचबाट भए ।
शुक्रवार सुमह एको पहिलो खेलमा लिस्नु युवा क्लब र सुनौलो संगम युवा क्लबबीच प्रतिस्पर्धा हुनेछ।
स्वर्गिय खगी गुरुङसेनीको पुण्य स्मृतिमा आयोजित प्रतियोगितामा विभिन्न जिल्लाका १६ टोलीको सहभागिता रहेको छ।

प्रतियोगिताको विजेताले नगद ३ लाख ३१ हजार र दोस्रो हुने टोलीले १ लाख ८१ हजार रुपैयाँ र सेमिफाइनलमा पराजित दुई टोलीले समान २५ हजार रुपैयाँ प्राप्त गर्नेछन् ।