1 day ago
September 18, 2024
सुमन अधिकारी, बुटवल
साविक विजेता भूपू सैनिक युवा क्लब ३६ औ संस्करणको पहिलो खेलबाटै बाहिरिएको छ ।
स्वर्गिय खगी गुरुङसेनीको पुण्य स्मृतिमा झरना स्पोर्टस क्लबको आयोजनामा रुपन्देही तिलोत्तमा नगरपालिका कुन्जलापुरस्थित उच्च माविको फुटबल मैदानमा बुधवार भएको उद्घाटन खेलमा गोर्खा ब्याईज क्लबले भूपूसैनिक युवा क्लबलाई ६-२ गोल अन्तरले पराजित गरेको हो ।
गोर्खा ब्वाइज क्लबले खेल सुरु भएको १० औं मिनेटमा गोल गर्दै अग्रता लिएको थियो । सुनिल खड्काले हेडमार्फत पहिलो गोल गरेका थिए । गोर्खाले पहिलो हाफमा नै ४ गोल गरेको थियो । भूपू सैनिकका तर्फबाट भएका २ गोल दोस्रो हाफमा भएको थियो ।
खेलको सुरुवातदेखि नै विपक्षलाई दबाबमा राखेको गोर्खा ब्वाइजले खेलको २० औं मिनेटमा अंकित सिजापतिले दोस्रो गोल गरेका थिए । खेलको २५ औं मिनेटमा निराजन खत्रीले तेस्रो तथा खेलको ४५ औं मिनेटमा निशान्त न्यौपानेले टिमका लागि चौथो गोल गरेका हुन् ।
दोस्रो हाफमा निराजन खत्रीले व्यक्तिगत दोस्रो तथा टिमलाई पाँचौं गोल एवं सुनिल खड्काले छैंटौं गोल गरेका थिए । भूपू सैनिकका सुरेश कुमाल र सन्देश श्रेष्ठले गोल गरेका हुन ।
प्रतियोगितामा बिहीवार नवयुवा खेलकुद तथा सांस्कृतिक परिवार र कपिलवस्तु – ११ बीचमा प्रतिस्पर्धा हुने प्रतियोगिता संयोजक विजय पुनले जनाएका छन् ।
तिलोत्तमा नगरपालिकाका नगरप्रमुख रामकृष्ण खाँडले प्रतियोगिताको उद्घाटन गरेका थिए ।
उद्घाटनमा अखिल नेपाल फुटबल संघका केन्द्रिय उपाध्यक्ष दीर्घ बहादुर केसी (कुमार), उपप्रमुख जागेश्वरी चौधरी, क्लबका पुर्व अध्यक्ष छत्र बहादुर दर्लामी, झरना स्पोर्टस क्लबका अध्यक्ष धनेन्द्र पौडेल लगायतले फुटबलको विकासका लागि प्रतियागिताको निरन्तरताको शुभकामना दिएका थिए।
प्रतियोगितामा रुपन्देही जिल्लासहित पाल्पा, नवलपरासी, कपिलवस्तु, स्याङ्जाका १६ टोलीको सहभागिता छ ।
जसमा आयोजक झरना स्पोर्ट्स क्लब, सम्पुर्ण युवा क्लब, लिस्नु युवा क्लब, नवयुवा खेलकुद तथा सांस्कृतिक परिवार, न्यु सिर्जना युवा क्लब, गोर्खा ब्वाइज क्लब, जनज्योति एफसी, देवदह ब्वाइज, फुलबारी गाईज, योग स्टार एफसी, कपिलवस्तु -११, भैरव एफसी, बालिङ युनाइटेड, फर्साटिकर युवा क्लब, सुनौलो संगम युवा क्लब, भूपू सैनिक युवा क्लब रहेका छन् ।
प्रतियोगिताको उपाधि विजेताले ३ लाख ३१ हजार रुपैयाँ रनिङशिल्ड, दोस्रो हुने टोलीले १ लाख ८१ हजार रुपैयाँ तथा सेमिफाइनलमा टोलीले समान २५ हजार रुपैयाँका प्राप्त गर्नेछ।
प्रत्येक खेलको प्लेयर अफ दि म्याचलाई ३ हजार रुपैयाँ प्राप्त गर्ने प्रतियोगिता संयोजक विजय पुनले बताए । यसैगरि विधागत रुपमा उत्कृष्ट खेलाडीले समान १० हजार र सर्वोत्कृष्ट खेलाडीले १५ हजार रुपैयाँ प्राप्त गर्नेछन् ।
September 19, 2024
सुमन अधिकारी,बुटवल झरना स्पोर्टस क्लबको आयोजनामा रुपन्देहीमा जारी ३६ औं झरना रनिङ शिल्ड फुटबल प्रतियोगितामा बिहीवार कपिलवस्तु -११ ले जित निकाल्दै अन्तिम आठमा पुगेको छ । समूह बीको खेलमा नवयुवा खेलकुद तथा सांस्कृतिक परिवारलाई ६-० ले पराजित गर्दै कपिलवस्तु क्वाटरफाइनलमा पुगेको हो । कुन्जलापुरस्थित उमा निमाविको फुटबल मैदानमा भएको खेलको ११ औ मिनेटमा कपिलवस्तुका कप्तान […]
September 19, 2024
सुशील पन्त क्षेत्री, चितवन गोल्डेन इमिनेन्ट दोस्रो चितवन गोल्डकपमा सूर्यपुर एफसीले विजयी सुरुवात गरेको छ । आज सुरु भएको प्रतियोगिताको उद्घाटन खेलमा सूर्यपुरले बागमती युवा क्लब सर्लाहीलाई पराजित गरेको हो । प्रतिस्पर्धात्मक खेलमा सूर्यपुर सडन डेथमा विजयी भयो । त्यसअघि निर्धारित समयको खेल १-१ को बराबरीमा सकिएको थियो । खेलको २४ औं मिनेटमा हिसुब थपलियाको […]
September 19, 2024
काठमाडौं (हाम्रो खेलकुद) – एन्फा महिला लिगमा वालिङ नगरपालिकाले बागमती युथ क्लबलाई पराजित गरेको छ । छैटौं खेलमा चौथो जित हात पार्ने क्रममा वालिङले बागमतीमाथि ४-० को जित हात पार्यो । एन्फा कम्प्लेक्स सातदोबाटोमा भएको खेलमा वालिङको जितमा ज्याकलिन नासालीले ह्याट्रिक तथा सिसी नान्टोंगोले १ गोल गरिन् । वालिङका लागि २२औं मिनेटमा नान्टोंगोले गोल गर्दै […]