काठमाडौं (हाम्रो खेलकुद)- अर्को महिना हुने एएफसी यु-२० एसियन कप छनोटका लागि सोमवार २३ सदस्यीय टोली घोषणा गरिएको छ।

चाइनिज ताइपेईले असोज ५ देखि १३ गतेसम्म हुने छनोट का लागि मुख्य प्रशिक्षक उर्जन श्रेष्ठले टोलीको घोषणा गरेको अखिल नेपाल फुटबल संघ (एन्फा) ले जानकारी दिएको छ ।

प्रतियोगिताको समूह ‘बी’ मा नेपालसहित उज्वेकिस्तान, बहराइन, चाइनिज ताइपेई र कम्बोडिया छ । नेपालले आफ्नो पहिलो खेल असोज ५ गते हुनेछ।
नेपालले कम्बोडियासँग असोज ७ गते र असोज ९ आयोजक चाइनिज ताइपेईसँग प्रतिस्पर्धा गर्नेछ।

नेपालले असोज ११ गते उज्वेकिस्तान र समूहको अन्तिम खेलमा असोज १३ गते बहराइनसँग खेल्नेछ। यसै महिना काठमाडौंमा भएको साफ यु २० मा नेपाली टोली दोस्रो भएको थियो।

नेपाली यु २० फुटबल टोली

गोलकिपर – अमित टमाटा, जियारथ शेख, कृषल मोक्तान
डिफेन्डर – आयुष तिम्सिना, अश्विन घोरासैनी, विक्रम तामाङ, निर्मल बल, राम थापा, सविन घिमिरे, सेमन्त थापा, दिपक थापा मगर
मिडफिल्डर – अभिनाष स्याङ्तान, कुशल देउवा, लच्छु थापा, सरोज दार्लामी, प्रशान्त लक्छम
फरवार्ड – अनिल बोम्जन, धनसिंह विक, धरबेन्द्र कुँवर, न्यामा वाङ्गेल तामाङ, निरज कार्की, समिर तामाङ, निरजन धामी