एपिएफको सामना गर्दै चन्द्रपुर

काठमाडौं(हाम्रो खेलकुद) – एन्फा महिला लिगमा सोमवार दुई खेल हुँदैछन् ।

एन्फा कम्प्लेक्स सातदोबाटोमा हुने पहिलो खेलमा वालिङ नगरपालिका र संकटा क्लबबीच प्रतिस्पर्धा हुनेछ । खेल दिउँसो १२ः३० बजे सुरु हुनेछ ।

वालिङ १ जित र १ हारका साथ अंक तालिकाको छैठौं स्थानमा छ । संकटा भने १ बराबरी र १ हारका साथ आठौंं स्थानमा छ ।

आज हुने दोस्रो खेलमा नेपाल एपिएफ क्लब र चन्द्रपुर नगरपालिकाबीच खेल हुनेछ । खेल दिउँसो ४ः१५ बजे सुरु हुनेछ । एपिएफ १ जित र १ बराबरीका साथ तेस्रो स्थानमा र छ ।

चन्द्रपुरलाई हराउँदै एपिएफ आफ्नो अपराजित यात्रा कायमै राख्न चाहन्छ । चन्द्रपुर भने २ बराबरीका साथ सातौं स्थानमा छ ।

अखिल नेपाल फुटबल संघ (एन्फा) को आयोजना सुरु भएको लिगमा १० टोलीको सहभागिता रहेको छ। पहिलो चरणमा सबै टोलीले एकअर्काको सामना गर्नेछ ।