काठमाडौं(हाम्रो खेलकुद) – कोशी प्रदेशले एन्फा महिला लिगमा लगातार दोस्रो जित हात पारेको छ । लगातार दोस्रो जित हात पार्ने क्रममा कोशीले बागमती युथ क्लबलाई २-१ ले पराजित गर्यो ।

एन्फा कम्प्लेक्स सातदोबाटोमा भएको बिहीबारको पहिलो खेलमा कोशीको जितमा समिक्षा मगरले १ गोल गर्दा १ गोल उपहार स्वरुप पाएको थियो । बागमतीका लागि बिष्नु माया बलले सान्त्वना गोल फर्काइन् ।

बागमतीका लागि २६औं मिनेटमा बिष्नु मायाले गोल गर्दै अग्रता दिलाएकी थिईन् । त्यसको ३ मिनेट पछि नै कोशीकि समिक्षले गोल गर्दै खेल बराबरीमा पुर्याईन् ।

बागमतीकी दिव्या स्माईली मगरले ५४औं मिनेटमा आत्मघाती गोल गर्दै कोशीलाई अग्रता दिलाईन् । त्यसपछि कुनै गोल कुन नसक्दा खेलमा कोशी विजयी भयो ।

जितसँगै २ खेलमा ६ अंकका साथ कोशी शीर्ष स्थानमा उक्लिएको छ ।

आज नै हुने दोस्रो खेलमा वालिङ नगरपालिका र कर्णाली प्रदेश खेल्दैछन् । खेल दिउँसो ४ः१५ बजे सुरु हुनेछ । पहिलो चरणमा कोशी प्रदेशसँग पराजित वालिङ पहिलो जितको खोजिमा रहँदा चन्द्रपुर नगरपालिकासँग बराबरीमा रोकिएको कर्णाली पहिलो जितको लक्ष्यमा छ ।

अखिल नेपाल फुटबल संघ (एन्फा) को आयोजना सुरु भएको लिगमा १० टोलीको सहभागिता रहेको छ। पहिलो चरणमा सबै टोलीले एकअर्काको सामना गर्नेछ ।