एन्फा महिला लिग – आज २ खेल

काठमाडौं(हाम्रो खेलकुद) – एन्फा महिला लिगमा आजबाट दोस्रो राउन्डका खेलहरु सुरु हुँदैछन् । आज दुई खेल हुनेछन् ।

एन्फा कम्प्लेक्स सातदोबाटोमा हुने पहिलो खेलमा बागमती युथ क्लब र कोशी प्रदेशबीच प्रतिस्पर्धा हुनेछ । बागमती र कोशीबीचको खेल दिउँसो १२ः३० बजे सुरु हुनेछ ।

पहिलो राउन्डको खेलमा बागमतीले सुदुरपश्चिम प्रदेशलाई पराजित गरेको थियो । कोशीले भने वालिङ नगरपालिकालाई पराजित गरेको थियो । दुवै टोली जितलाई निरन्तरता दिन मैदान उत्रदै छन् । त्यसैले यो खेल रोचक हुने अनुमान छ ।

दोस्रो खेलमा वालिङ र कर्णालीबीच खेल हुनेछ । खेल दिउँसो ४ः१५ बजे सुरु हुनेछ । पहिलो चरणमा कोशी प्रदेशसँग पराजित वालिङ पहिलो जितको खोजिमा रहँदा चन्द्रपुर नगरपालिकासँग बराबरीमा रोकिएको कर्णाली पहिलो जितको लक्ष्यमा छ ।

अखिल नेपाल फुटबल संघ (एन्फा) को आयोजना सुरु भएको लिगमा १० टोलीको सहभागिता रहेको छ। पहिलो चरणमा सबै टोलीले एकअर्काको सामना गर्नेछ ।