टोटनहम पराजित , चेल्सी रोकियो

एजेन्सी – इङ्लिस प्रिमियर लिग (इपिएल) आइतवार टोटेनहम पराजित भएको छ भने चेल्सीले बराबरी खेलेको छ।

टोटेनहम न्युक्यासल युनाइटेडसँग पराजित भएको छ । तेस्रो खेलमा दोस्रो जित निकाल्ने क्रममा न्युक्यासलले‌ टोटेनहमलाई २-१ ले हरायो ।

घरेलु मैदानमा न्युकासलको जितमा अलेक्जेन्डर इसाक र हार्वे बार्न्सले गोल गरे । टोटनहमले भने १ गोल उपहार स्वरुप पाएको थियो। न्युकासलका लागि बार्न्सले ३७औं मिनेटमा गोल गर्दै अग्रता बनाएका थिए ।

न्युकासलका ड्यान बर्नले ५६औं मिनेटमा आत्मघाती गोल गर्दा खेलमा बराबरी भयो । ७८औं मिनेटमा इसाकले गोल गर्दै न्युकासलको जित पक्का गरे ।जितपछि न्युक्यासलको ७ अंक पुगेको छ। टोटनहम ४ अंक छ ।

अर्को खेलमा चेल्सी क्रिस्टल प्यालेससँग १-१ को बराबरीमा रोकियो। घरेलु मैदानमा भएको खेलमा चेल्सीका लागि निकोलस ज्याकसक र क्रिटलका लागि इब्राकि इजले गोल गरे ।

चेल्सीले खेलको सुरुवातमा अग्रता लिएको थियो । ज्याकसनले २५औं मिनेटमा गोल गर्दै चेल्सीलाई अघि बढाए। इजले ५३ औं मिनेटमा क्रिस्टलका लागि बराबरी गोल फर्काए ।