5 months ago
August 9, 2024
सुशील पन्त क्षेत्री, चितवन
हानामी भरतपुर फुटबल क्लब (बिएफसी) लगातार दोस्रो सिजन सेन्ट्रल कलेज चितवन जिल्ला ए डिभिजन लिग च्याम्पियन बनेको छ ।
पानस युवा क्लबलाई शुक्रवार टाइब्रेकरमा ४-२ ले हराउँदै बिएफसी च्याम्पियन बनेको हो ।
खेलको निर्धारित समय २-२ को बराबरीमा सकिएको थियो । बिएफसीका लागि सुमन आले र सन्देश श्रेष्ठ तथा पानसका लागि सन्दीप सुनार र शिव गुरुङले गोल गरे ।
खेलमा अग्रता भने पानसले लिएको थियो । नवौं मिनेटमा सन्दीपको गोलमा पानसले अग्रता लिएको थियो । तर ३८ औं मिनेटमा सुमनले बिएफसीका लागि बराबरी गोल फर्काए ।
५५ औं मिनेटमा सन्देशले गोल गर्दै बिएफसीलाई अग्रता दिलाए । तर ७० औं मिनेटमा शिवले पानसका लागि बराबरी गोल गरे ।
बाँकी समयमा थप गोल हुन नसकेपछि खेल टाइब्रेकरमा धकेलियो । जसमा बिएफसीले बाजी मार्यो । बिएफसीका गोलकिपर तथा कप्तान मनोज गुरुङ म्यान अफ दि म्याच भए ।
विजेता बिएफसीले ट्रफीसहित १ लाख रुपैयाँ प्राप्त गरेको छ । पानसले ५० हजार रुपैयाँमा पायो ।
बिएफसीका सन्दीप केसी प्रतियोगिताका सर्वोत्कृष्ट खेलाडी घोषित भए । उनले ट्रफीसहित १० हजार रुपैयाँ प्राप्त गरे ।
हर्दी युवा समाजका सन्तोष थिङ प्रतियोगिताका उत्कृष्ट फरवार्ड ,पानसका निश्चल बस्नेत उत्कृष्ट डिफेन्डर, बिएफसीका मनोज गुरुङ उत्कृष्ट गोलकिपर तथा पानसका सन्जित सुनार उत्कृष्ट मिडफिल्डर घोषित भए ।
बिएफसीका प्रशिक्षक कुसुम दीप लो उत्कृष्ट प्रशिक्षक भए । उत्कृष्टले ट्रफीसहित समान ५ हजार रुपैयाँ प्राप्त गरे ।
चितवन जिल्ला फुटबल संघले आयोजमा गरेको प्रतियोगिताको मुख्य प्रायोजकमा सेन्ट्रल कलेज अफ भोकेसनल ट्र्निङ तथा प्रायोजकमा वैद्धिक आयुर्वेद सेवा प्रालि रहेको थियो ।
January 12, 2025
सुमन अधिकारी,बुटवल रुपन्देहीको फर्साटिकरमा जारी शुद्धोधन गाउँपालिका १२ औं फर्साटिकर कप फुटबल प्रतियोगिताको सेमिफाइनल समीकरण पूरा भएको छ । अन्तिम क्वाटरफाइनलमा शनिवार बुटवलको गोर्खा ब्वाइज क्लबले भारत आसामको इन्टर नर्थ इष्ट एफसीलाई ५-१ ले हराएपछि सेमिफाइनल समीकरण पूरा भएको हो। गोर्खा ब्वाइजको जितमा फागुराम थारुले २, निशान्त न्यौपाने, सन्दीप केसी र मनिष तामाङले समान १ […]
January 12, 2025
एजेन्सी – जेम्स म्याकएटीको ह्याट्रिक सहयोगमा म्यानचेस्टर सिटीले एफए कपमा साल्फोर्ड एफसीविरुद्ध सानदार जित हात पारेको छ । शनिवार भएको तेस्रो चरणको खेलमा सिटीले ८-० को सानदार जित दर्ता गरेको हो । घरेलु मैदानमा सिटीलाई जित दिलाउन म्याकएटीले ह्याट्रिक गर्दा जेरिमी डोकुले २ तथा डिभाइन मोबामा, निको ओ राइली र ज्याक ग्रेलिसले समान १ गोल […]
January 11, 2025
हिमाल खरेल,बिर्तामोड झापा कप फुटबल प्रतियोगिताको हिसाब सार्वजनिक गरिएको छ । आयोजकले झापा को फुटबलबाट २८ लाख रुपैयाँभन्दा बढी रकम बचत भएको जनाएको छ । झापा ११ फुटबल क्लबको आयोजनामा मंसिर २९ गतेदेखि पुस ८ गतेसम्म सञ्चालित प्रतियोगिताबाट २८ लाख ३० हजार ८७३ रुपैयाँ बचत भएको आज पत्रकार सम्मेलन गरी आयव्यय सार्वजनिक गरिएको हो । […]
