एजेन्सी – नर्वेली फरवार्ड एर्लिङ ब्राउट हालान्डको ह्याट्रिक सहयोगमा म्यानचेस्टर सिटीले नयाँ सिजनअघिको मैत्रीपुर्ण खेलमा प्रिमियर लिग प्रतिद्धन्द्धी चेल्सीलाई पराजित गरेको छ ।

अमेरिकाको कोलम्वसमा आइतबार बिहान भएको खेलमा सिटीले चेल्सीलाई ४–२ ले पराजित गरेको हो । एक गोल ओस्कार बबले थपे । चेल्सीका रहिम स्ट्रलिङ र नोनी मादुएकेले गोल फर्काएपनि टोलीको हार टार्न सकेन ।

ओइहो स्टेडियममा हालान्डले दुई मिनेटको अन्तरमा दुई गोल गर्दै सिटीको अग्रता दोब्बर पारेका थिए । हालान्डले खेलको चौथो मिनेटमा पेनाल्टी र पाँचौं मिनेटमा गोल गरेका थिए ।

त्यसपछि दोस्रो हाफमा पनि दुई मिनेटको अन्तरमा दुई गोल थप्दै सिटीले खेलमा ४–० को आरामदायी अग्रता कायम गर्यो । ५५औं मिनेटमा ओस्कारले गोल गर्दा ५६औं मिनेटमा हालान्डले गोल गर्दै ह्याट्रिक पुरा गरे ।

५९औं मिनेटमा रहिमले गोल गर्दै खेललाई ४–१ को स्थितिमा ल्याए । ८९औं मिनेटमा नोनीले गोल गर्दै खेललाई ४–२ को स्थितिमा ल्याएपनि चेल्सीको हार टरेन ।

नयाँ सिजनअघिको मैत्रीपुर्ण खेलमा सिटीको यो पहिलो जित हो । यसअघि सिटीले सेल्टिक र एसी मिलानसँगै बार्सिलोनासँग टाइब्रेकरमा हार बेहोरेको थियो ।

चेल्सीको यो दोस्रो हार हो । चेल्सीले यसअघि सेल्टिकसँग हार बेहोर्दा क्लब अमेरिकालाई पराजित गरेको थियो । रेक्समसँग बराबरी खेलेको थियो ।