मछिन्द्रको पहिलो हार

काठमाडौं (हाम्रो खेलकुद) – मछिन्द्र फुटबल क्लबले एन्फा कम्प्लेक्स सातदोबाटोमा जारी ललित स्मृति यु-१८ लिगमा पहिलो हार बेहोरेको छ । बुधवार भएको दिनको दोस्रो खेलमा मछिन्द्र न्यू रोड टिम (एनआरटी) विरुद्ध ३-० ले पराजित भएको हो ।

एनआरटीका लागि रोहन मोक्तान, अंकित थापा र सन्तोष गोङबाले समान १-१ गोल गरे ।

जित पछि एनआरटीको ६ खेलमा १३ अंक भएको छ । लिग तालिकाको शीर्ष स्थानमा नेपाल पुलिस क्लब र एनआरटीको समान १३ अंक छ । ६ खेलमा ११ अंक भएको मछिन्द्र चौथो स्थानमा रहेको छ ।

यस्तै दिनको पहिलो खेलमा संकटा क्लबले त्रिभुवन आर्मी क्लबलाई २-१ ले हरायो । दिलन लिम्बू र समिन अर्जेलले १-१ गोल गरे । आर्मीका लागि भने रोहित श्रेष्ठले सान्त्वना गोल गरेका थिए ।

जित पछि संकटाले ६ खेलमा पहिलो जित दर्ता गरेर ६ अंक बटुल्दै सातौं स्थानमा उक्लिएको छ । नवौं स्थानमा रहेको आर्मीको भने ६ खेलमा ४ अंक छ ।