1 month ago
July 27, 2024
एजेन्सी – युवा ब्राजिलियन स्ट्राइकर एन्ड्रिक रियल म्याड्रिडको नयाँ खेलाडीका रूपमा सार्वजनिक भएका छन् ।
रियलले क्लबको स्टेडियम सान्टियागो बर्नाबेउमा एक समारोहका बीच उनलाई सार्वजनिक गरेको हो ।
१८ वर्षीय स्ट्राइकर एन्ड्रिक ब्राजिलियन क्लब पाल्मिरासबाट रियल पुगेका हुन् । सम्झौता भएको ५ सय ८४ दिन पछि उनले क्लबसँगको सम्झौतामा हस्ताक्षर गरेका हुन् ।
रियलले ७० मिलियन युरोमा उनलाई अनुबन्ध गरेको युरोपेली संचार माध्यमहरुले सार्वजनिक गरेका थिए । उनलाई रियलले १६ वर्षका हुँदा क्लबमा ल्याउने सम्झौता गरेपनि फिफा नियमहरूले १८ वर्ष भन्दा कम उमेरका खेलाडीहरूलाई विदेश स्थानान्तरण गर्न रोक्ने हुँदा एन्ड्रिकले रियल जानको लागि आफ्नो १८औं जन्मदिनसम्म कुर्नुपरेको थियो ।
१८ महिनाअघि सम्झौता भएको बेला एन्ड्रिकले दुई महिना मात्र सिनियर फुटबल खेलिरहेका थिए । यद्दपी त्यसयता उनले दुई पटक ब्राजिलियन सिरी ए र पाल्मिरासका लागि ब्राजिलियन सुपर कप जितेका छन् ।
आफ्नो मातृभूमिमा खेल्दै छोटो अवधिमा एन्ड्रिकले पाल्मिरासका लागि सबै प्रतियोगिताहरूमा ८२ खेलहरूमा २१ गोल गरेका थिए ।
केवल १७ वर्षको उमेरमा उनले नोभेम्बरमा कोलम्बिया विरुद्ध ब्राजिल राष्ट्रिय टोलीको लागि डेब्यु गरेका थिए ।
यो सिजन रियलले यसअघि नै किलियन एम्बाप्पेलाई क्लबमा भित्र्याइसकेको छ ।
September 8, 2024
एजेन्सी – जर्मनीले युइएफए नेसन्स लिगमा फराकिलो जित निकालेको छ । ग्रुप थ्रीमा जर्मनीले शनिवार हङ्गेरीमाथि ५-० को जित निकाल्यो । घरेलु मैदानमा भएको खेलमा जर्मनीको जितमा निकोलस फ्युलक्रुग, मुसियाला, फ्लोरियन विर्ट्ज, अलेक्जेन्डर पावलोभिच र काई हाभर्ट्ज गोल गरे । जर्मनीका निकोलस फ्युलक्रुगले २७औं मिनेटमा गोल गर्दै टोलीलाई अग्रता दिलाएका थिए। ५८औं मिनेटमा मुसियालाले गोल […]
September 8, 2024
एजेन्सी – इङ्ग्ल्यान्डले युइएफए नेसन्स लिगको गणतान्त्रिक आयरल्यान्डलाई हराएको छ। ग्रुप–टुमा शनिवार भएको खेलमा इङ्ग्ल्यान्ड २-० ले विजयी भएको हो। टोलीलाई जित दिलाउन डेक्लेन राइस र ज्याक ग्रेलिसले गोल गरे। राइसले ११ औं र ग्रेलिसले २६ औं मिनेटमा गोल गरेका हुन्। कार्यवहाक प्रशिक्षक लि कार्ल्सलीको नेतृत्वमा इङ्ग्ल्यान्डले सफलता प्राप्त गरेको हो। गेराथ साउथगेटले छोडयता इङ्ग्ल्यान्डको […]
September 8, 2024
काठमाडौं (हाम्रो खेलकुद) – बार्सिलोना फ्यान क्लब नेपाल (बार्सा नेपाल ) का रूपमा परिचित क्याटलान क्लब एफसी बार्सिलोनाको समर्थक समूहले एफसी बार्सिलोनाको आधिकारिक पेन्या (समर्थक क्लब) को मान्यता प्राप्त गरेको छ । पेन्या बार्सा दी एभरेस्टको नयाँ नाममा क्लबले आधिकारिकता प्राप्त गरेको हो । शनिबार एक कार्यक्रममाझ समर्थक क्लबले आफ्नो दर्ता पूरा भएको उपलक्ष्यमा भेटघाट कार्यक्रमको […]