२००८ देखि २०१२ सम्म को स्पेनिश राष्ट्रिय फुटबल टोली इतिहासकै उत्कृष्ट मध्यको टोलीमी पर्ने गर्दछ । २००८ र २०१२ मा युरोपेली च्याम्पियनसिप र २०१० को विश्वकप उपाधि जितेको स्पेन सो समयमा उपाधिका लागि मात्र चर्चामा छैन । त्यस टोलीको मुख्य विशेषता रहेको थियो: सो चार वर्षको अन्तरालमा खेलेको फुटबलको ब्रान्ड ।

टिकी-टाका, यस नामले परिचित सो स्पेनिश टोलीले खेल्ने तरिका हालसम्म पनि उत्कृष्ट मानिन्छ । सोही समयमा पेप गुवार्डीओला बार्सिलोनाको प्रशिक्षक रहेका थिए । उनको बार्सिलोना टोलीसँगै एकैसमयमा स्पेनले खेल्ने गरेको फुटबलले सबैलाई दंग बनाउन खालको रहेको थियो ।

सो समयमा स्पेनी टोलीमा रहेका खेलाडीहरु इतिहासमै सर्वोत्कृष्ट खेलाडीहरु मध्य मानिन्छन् । गोलकिपर इकर क्यासीलास देखि डिफेन्समा सर्जियो रामोस, जेरार्ड पिके, कार्लोस पुयोल, मिडफिल्डमा जाभी, इनिएस्टा, जाबी अलोन्सो सबै फुटबल समर्थकहरु माझ उच्च प्रदर्शन गर्ने खेलाडीका रूपमा रहे ।

तर त्यसपछिको १२ वर्ष भने स्पेनिश टोलीका लागि सम्झनलायक रहेको छैन । तीन उपाधि दिलाएका भिसेन्टे डेल बोस्केकै प्रशिक्षणमा स्पेन २०१४ को विश्वकपको समूह चरणबाट बाहिरियो । २०१६ को युरो कपमा अन्तिम १६ मा इटालीसँग पराजित भयो ।

सन् २०१८ को विश्वकपमा त प्रतियोगिताको केही दिन अघि मात्र प्रशिक्षक जुलेन लोपेटेगुई बर्खास्त भए । प्रतियोगिता सोचेजस्तो रहेन । त्यसपछि आए लुइस इन्रिके । बार्सिलोनाबाट सफलता हासिल गरेका उनले समेत दुई कार्यकालका बीचमा २०२२ सम्ममा स्पेनिश टोलीलाई उपाधि दिलाउन सकेनन् ।

सफलताको केही वर्ष पछि स्पेनिश टोलीका लागि सो समयमा खेलेको फुटबल नै पर्यायवाची रह्यो । लामो समयमा स्पेनले सोही तरिकाको फुटबल दर्साउने निकै कोशिश गर्यो । सोही अनुसारको प्रशिक्षक समेत ल्याईए । तर पुरानो सफलता दोहोर्याउन स्पेन सफल रहेन ।

त्यसपछि आएका लुइस डे ला फुएन्टेले भने आफ्नो पहिलो प्रतियोगितामा नै स्पेनिश टोलीलाई फाइनल पुर्याउन सफल भएका छन् । ६३ वर्षीय उनले यस अघि कुनै सिनियर टोली सम्हालेका थिएनन् । तर पहिलो पटक मै उनले टोलीलाई फाइनल पुर्याएका छन् ।

२०१० तिर सफल स्पेनिश टोलीमा मुख्यतः बार्सिलोना र रियल म्याड्रिडका खेलाडीको बाहुल्यता रहेको थियो । दुई महारथीका खेलाडीहरु भएका कारण सो टोलीले सफलता पाएको धेरैले बुझ्ने गरेका छन् । तर हाल युरो कप फाइनलमा पुगेको स्पेनिश टोलीमा भने कुनै एक टोलीको खेलाडीको बाहुल्यता रहेको छैन ।

सेमिफाइनलमा खेलेको सुरुवाती ११ मा १० वटा क्लबका खेलाडी रहेका थिए । त्यसमा साउदी लिगमा खेलिरहेका डिफेन्डर एमेरिक लापोर्ट समेत रहेका छन् । त्यसमाथि टोलीका दुई युवा विंगर: १६ वर्षीय लामिन यमाल र २२ वर्षीय निको विलियम्सले उत्कृष्ट प्रदर्शन गरेका छन् ।

चार वर्षको सफलता पछि स्पेनिश लिगमा सोही अनुरूपका प्रशिक्षकहरु आएको पाइन्छ । हाल ला लिगा टोलीहरू, थोरैलाई छोडेर, आर्थिक रूपमा ग्रस्त छन् । यद्यपि, एकेडेमी स्तरबाट उनीहरूको फुटबलको आधारभूत कुराहरूले उनीहरूलाई निरन्तर प्रतिभा उत्पादन गर्न र उनीहरूलाई निरन्तरता दिन मद्दत गरेको छ ।

आधारभूत कारणले गर्दा यस पटक फाइनलमा पुगेको टोलीले निर्बाध रूपमा खेलेको छ । प्रतियोगिता अघि स्पेनलाई उपाधि दावेदारका रूपमा कमैले हेरेका थिए । प्रतियोगिताको केही खेल देख्दा र अन्य दावेदार टोलीले सोचे अनुरूप प्रदर्शन गर्न नसक्दा स्पेन बिस्तारै दावेदारका रूपमा उभिएको थियो । त्यसमाथि सेमिफाइनलमा फ्रान्स विरुद्ध जमाएको प्रभूत्वका कारण स्पेन बलियो टोलीका रूपमा फाइनलमा उभिएको छ ।

प्रशिक्षक डे ला फुएन्टेले यसअघि सिनियर टोलीको व्यवस्थापन नगरेको भए पनि आफ्ना टोलीहरूलाई अर्को चरणमा लैजान सफल भएका छन् । उनले प्रशिक्षण गरेको प्रत्येक टोली कम्तिमा सेमिफाइनलमा पुग्न सफल रहेको छ ।

डे ला फुएन्टेले खेलको पूर्वसन्ध्यामा कुरा गर्दै भने, “हामीले सुरुदेखि नै परिप्रेक्ष्य गुमाएको छैनौं। हामीलाई थाहा छ कि विश्लेषण कसरी हुन्छ । भोलिको खेलमा कुनै टोली दावेदार छैन ।”

स्पेन, राष्ट्रको अपेक्षा सहित, आफ्नो काँधबाट ठूलो भार उठाउन चाहन्छ । २०१० वरपरको सुनौलो पुस्ताले यस पटक आफैंलाई अनुकरण गरेको जस्तो देखिन्छ । यसो भन्दै स्पेनको यो टोलीले आफ्ना खेलाडीलाई स्वतन्त्रता दिएको छ र खेलाडीको व्यक्तित्वको पूर्ण रूपमा प्रयोग गरेको छ ।

इङ्ल्यान्ड पनि उत्कृष्ट खेलाडीहरुले भरिपूर्ण छ । पछिल्लो समय आलोचनाका बाबजुद इंग्ल्याण्ड अर्को फाइनलमा पुग्न सफल भएको छ । इङ्ल्यान्डसँग विश्वका उत्कृष्ट खेलाडीहरू छन् जसले नतिजा निर्धारण गर्न सक्छन् । तर स्पेनको लागि, यो सामूहिक प्रदर्शन नै जितको आधार बन्नेछ । युवा शक्ति र अनुभवी खेलाडीहरुले भरिपूर्ण यस टोली १२ वर्षमा आफ्नो पहिलो उपाधि को लागी खेल्दैछ छ । सुनौलो पुस्तालागि पछ्याउँदै राष्ट्रका लागि