6 months ago
July 9, 2024
काठमाडौं (हाम्रो खेलकुद) – अर्को साता सुरु हुने एन्फा यु-१८ लिग एन्फाका पूर्व कार्यवाहक अध्यक्ष स्वर्गीय ललितकृष्ण श्रेष्ठको नाममा सञ्चालन हुने भएको छ ।
मंगलबार सामाजिक सञ्जाल मार्फत घोषणा गर्दै एन्फाले एन्फा यु-१८ लिगको नाम आधिकारिक रूपमा ‘ललित स्मृति यु-१८ लिग’ बनाएको हो ।
एन्फाका पूर्व कार्यवाहक अध्यक्ष श्रेष्ठको सम्झनामा एन्फाले सन् २०१९ मा ललित मेमोरियल यू–१८ प्रतियोगिताको पछिल्लो संस्करण आयोजना गरेको थियो ।
यसका साथै लिगको खेल तालिका ड्र समेत मंगलबार सम्पन्न भएको छ । एन्फा कम्प्लेक्स सातदोबाटोमा भएको ड्र अनुसार लिगको उद्दघाटन खेलमा आइतबार न्यू रोड टिम (एनआरटी) र चर्च ब्वाइज भिड्ने भएका छन् ।
युवा लिग फुटबल प्रतियोगिता आयोजना गर्ने निर्णय क्लबहरुसँगको पटक–पटक छलफलपछि एन्फाले असार ३० देखि सञ्चालन गर्ने निर्णय गरेको थियो ।
विभिन्न क्लबहरुले यस लिगका लागि छनोट कार्यक्रमहरु आयोजना गर्दै आएका छन् । लिगमा १२ टोलीहरू प्रतिस्पर्धा गर्नेछन् ।
लिगमा एपीएफ फुटबल क्लब, चर्च ब्वाइज युनाइटेड, एफसी खुमलटार, जावलाखेल युथ क्लब, मच्छिन्द्र फुटबल क्लब, मनाङ मस्र्याङ्दी क्लब, नेपाल पुलिस क्लब, न्यूरोड टिम, संकटा क्लब, सातदोबाटो युथ क्लब, थ्रीस्टार क्लब र त्रिभुवन आर्मी फुटबल क्लबले भाग लिएका छन् ।
लिगका खेल सातदोबाटोस्थित एन्फा कम्प्लेक्स मैदानमा हुनेछन् । सहभागी १२ क्लबले डबल राउण्ड रोबिन ढाँचामा एकअर्कासँग खेल्ने एन्फाले जनाएको छ।
खेल तालिका:
January 13, 2025
काठमाडौं (हाम्रो खेलकुद)- एन्फा महिला लिगको अन्तिम चरण अन्तर्गत आज बागमती युथ क्लबले त्रिभुवन आर्मी क्लबको समाना गर्दैछ। आर्मी जारी लिगमा बागमतीलाई तेस्रो पटक दाउमा रहनेछ। आर्मीले दोस्रो चरणमा बागमतीलाई ३-० शुन्य र अन्तिम चरणको पहिलो लेगमा भने २-० ले हराएको थियो। पछिल्लो जितमा विमला बिक र सपना लामाले गोल गरेका थिए। विभागीय टोली आर्मी, […]
January 13, 2025
एजेन्सी – रियल म्याड्रिडलाई हराउँदै बार्सिलोनाले स्पेनिस सुपर कपको उपाधि जितेको छ । साउदी अरबमा आइतवार स्पेनिस सुपर कपको फाइनलमा बार्सिलोनासँग रियल ५-२ ले पराजित भएको हो । यसअघि अक्टोबरमा स्पेनिस ला लिग एल क्लासिकोमा पनि बार्सिलोनाले रियललाई ४-० ले हराएको थियो । बार्सिलोनाको जितमा राफिन्हाको २ , लामिन यमल, रोबर्ट लेवान्डोस्की र एलेजान्ड्रो बाल्डेको […]
January 12, 2025
हिमाल खरेल ,बिर्तामोड झापा ११ एफसीले भारतको सिक्किममा जारी १० औँ अल इन्डिया चिफ मिनिस्टर्स गोल्डकपमा विजयी सुरुवात गरेको छ । सिक्किमको जोरथाङ रंगशालामा आज भएको प्रतियोगितामा भारत पश्चिम बंगालको जिटिए दार्जिलिङलाई टाइब्रेकरमा हराउँदै झापा ११ क्वार्टर फाइनलमा प्रवेश गरेको हो । निर्धारित समयमा खेल १-१ गोलको बराबरीमा टुंगिएपछि निर्णयका लागि टाइब्रेकरको सहारा लिइएको थियो […]
