3 days ago
July 5, 2024
सुशिल पन्त क्षेत्री,चितवन
सेन्ट्रल कलेज चितवन जिल्ला ए डिभिजन लिग फुटबलमा आज हर्दी युवा समाजले जित हासिल गरेको छ ।
लिगमा पहिलो जित निकालेको हर्दीले शुक्रबार एभरेष्ट क्लबलाई ३-० ले हराएको हो । हर्दीको जितमा सन्तोष थिङले ह्याट्रिक गरे ।
सन्तोषले खेलको सातौं, ४५ औं र ४७ औं मिनेटमा गोल गरे । लिगमा ह्याट्रिक गर्ने उनी पहिलो खेलाडी हुन् । उनै सन्तोष प्लेयर अफ दि म्याच चुनिए । हर्दीको दुई खेलबाट ३ अंक भएको छ । एभरेष्टको समान खेलबाट एक अंक छ ।
आजै भएको दोस्रो खेलमा हानामी भरतपुर फुटबल क्लब (बिएफसी) र सौराहा युवा समाजले १-१ को बराबरी खेलेका छन् । खेलमा बिएफसीका लागि सन्देश श्रेष्ठ तथा सौराहाका लागि सञ्जय चौधरीले गोल गरे ।
खेलमा बिएफसीले सुरुवाती गोल गर्दै अग्रता लिएको थियो । उसका लागि सन्देशले २३ औं मिनेटमा गोल गरेका थिए । तर बिएफसीको अग्रता धेरै समय टिकेन । २९ औं मिनेटमा सौराहाका सञ्जयले बराबरी गोल गरे । सौराहाका तेजेन्द्र चौधरी प्लेयर अफ दि म्याच भए ।
बराबरीपछि बिएफसी दुई खेलबाट ४ अंकका साथ समूह ए को शिर्ष स्थानमा उक्लिएको छ । लिगमा समान दुई खेल सौराहाको २ अंक छ ।
लिगमा शनिबार दुई खेल हुनेछन् । शनिबार पहिलो खेलमा माडी ११ र यात्रा ग्रुप भिड्नेछन् । दोस्रो खेल एष्ट्रल युथ सोसाइटी र नारायणी मोटर्स युनिक एफसीबीच हुनेछ । पहिलो खेल दिउँसो ३:०० बजे र दोस्रो खेल ५:०० बजे सुरु हुनेछ।
चितवन जिल्ला फुटबल संघको आयोजनामा जारी प्रतियोगितालाई सेन्ट्रल कलेज अफ भोकेसनल ट्रेनिङ प्रालिले मुख्य प्रायोजन गरेको छ।
July 8, 2024
सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा एष्ट्रल युथ सोसाइटीले पहिलो जित दर्ता गरेको छ । नारायणी मोटर्स युनिक फुटबल क्लबलाई सोमबार २-० ले हराउँदै एष्ट्रलले लिगमा पहिलो जित निकालेको हो । टोलीलाई जितदिलाउन लाल कुमार तमाङ र प्रताप भट्टले गोल गरे । एष्ट्रलका विशाल तमाङ प्लेयर अफ दि म्याच भए […]
July 8, 2024
एजेन्सी – म्यानचेस्टर युनाइटेडले अर्को साताभित्र दुई ठूला अनुबन्ध गर्ने तयारी गरेको बताइएको छ । युनाइटेडले डच डिफेन्डर म्याथिज्स डे लिग्ट र फरवार्ड जोशुवा जर्कजी अनुबन्ध गर्ने चर्चा रहेको छ । डिफेन्डर राफाएल भरानले कलन छाडेपछि युनाइटेडले डे लिग्टमा आँखा राखेको छ । उनी बायर्न म्युनिखसँग अलग हुने चाहाना राख्दछन । विभिन्न संचार माध्यमका अनुसार […]
July 7, 2024
एजेन्सी – उपाधि दावेदार ब्राजिल कोपा अमेरिका २०२४ को क्वाटरफाइनलबाट नै बाहिरिएको छ । अमेरिकाको फिनिक्समा भएको कवातर उरुग्वेले टाइब्रेकरमा जित हासिल गर्दा ब्राजिल बाहिरिएको हो । निर्धारित ९० मिनेटको खेल गोलरहित बराबरीमा सकिएपछि खेलको निर्णय टाइब्रेकरमा लिइएको थियो । टाइब्रेकरमा उरुग्वेले ४-२ को जित दर्ता गर्यो । ब्राजिलका लागि एडर मिलिसाओ र डग्लस लुइजले […]