2 days ago
June 29, 2024
एजेन्सी – कोस्टा रिकामाथि सहज जित हात पार्दै कोलम्विया कोपा अमेरिका २०२४ को क्वाटरफाइनलमा प्रवेश गरेको छ ।
कोस्टा रिकालाई ३–० ले पराजित गरेपछि कोलम्वियाले समुह ‘डी’ मा एक खेल बाँकी छँदै अन्तिम आठको यात्रा तय गरेको हो ।
स्टेट फार्म स्टेडियम ग्लेनडेल एरिजोना अमेरिकामा शुक्रबार राति भएको खेलमा कोलम्वियाको सहज जितमा लुइस डियाज, डाभिन्सन सान्चेज र जोन कोर्डाेवाले गोल गरे ।
एकपक्षीय बनेको खेलको ३१औ मिनेटमा लुइस डियाजले पेनाल्टीमा गोल गर्दै कोलम्वियालाई पहिलो हाफमा १–० को अग्रता दिलाए । पेनाल्टी बक्समा प्याट्रिकले कोर्डाेवामाथि फउल गरेपछि रेफ्रीले कोलम्वियालाई पेनाल्टी प्रदान गर्दा इंग्लिस क्लब लिभरपुलका विंगर चुकेनन् ।
५९औं मिनेटमा डाभिन्सनले गोल गर्दै कोलम्वियाको अग्रता दोब्बर पारे । जोन एरिएसको कर्नरलाई सान्चेजले हेडरमार्फत जाली चुमाए ।
त्यसको तीन मिनेटपछि कोर्डाेवाले सानदार गोल गर्दै कोलम्वियाको सहज जित पक्का गरे । कप्तान हामेस रोड्रिग्वेजको चलाखीपुर्ण पासलाई उनले सानदार फिनिस गरे ।
अघिल्लो खेलमा ब्राजिललाई निराश पारेको कोस्टा रिकाले यसपटक कोलम्वियालाई भने रोक्न सकेन । यस जितसँगै समूह ‘डी’ मा कोलम्वियाको २ खेलबाट ६ अंक पुगेको छ । पराजित कोस्टा रिकाको समान खेलबाटै १ अंक छ ।
यसअघि अर्जेन्टिना, भेनेजुएला र उरुग्वेले पनि एक खेल बाँकी छँदै क्वाटर फाइनलमा स्थान सुरक्षित गरिसकेको छ ।
July 1, 2024
एजेन्सी – जर्जियाविरुद्ध पुनरागमन जित दर्ता गर्दै स्पेनले युरोपेली च्याम्पियनसिप २०२४ को क्वाटरफाइनलमा स्थान बनाएको छ । जर्मनीको कोल्नमा भएको खेलमा स्पेनले ४-१ को जित निकाल्दै अर्को चरणमा स्थान पक्का गरेको हो । स्पेनको जितमा रोड्री, फाबियन रुइज, निको विलियम्स र ड्यानी ओल्मोले १-१ गोल गरे । पछिल्लो खेलमा पोर्चुगललाई हराएको जर्जियाले सुरुवाती अग्रता लिएपछि […]
July 1, 2024
एजेन्सी – उपाधि दावेदार इङ्ल्यान्ड स्लोभाकियालाई हराउँदै युरो कप २०२४ को क्वाटरफाइनलमा प्रवेश गरेको छ । गेल्सेनकर्चेनमा भएको प्रिक्वाटरफाइनल खेलमा इङ्ल्यान्डले अतिरिक्त समयमा पुनरागमन गरेर स्लोभाकियालाई २-१ ले पराजित गर्दै अन्तिम आठमा स्थान बनाएको हो । इभान स्क्रान्जले २५औं मिनेटमा स्लोभाकियाका लागि सुरुवाती गोल गरेका थिए । डेविड स्ट्रेलेकको सुन्दर थ्रु-पासलाई नियन्त्रणमा लिँदै स्क्रान्जले प्रतियोगिताको […]
June 30, 2024
सुशिल पन्त क्षेत्री, चितवन सेन्ट्रल कलेज चितवन जिल्ला ए डिभिजन लिग फुटबलमा आइतबार एष्ट्रल युथ सोसाइटी र सौराहा युवा समाजले बराबरी खेलेका छन् । भरतपुर ७ कृष्णपुर मैदानमा भएको समूह ए को खेलमा १-१ को बराबरी गर्दै दुबै टिमले अंक बाँडेका हुन् । खेलमा एष्ट्रलका लागि जुनित घिसिङ र सौराहाका लागि सञ्जय चौधरीले गोल गरे […]